ԱԿԲԱ-Կրեդիտ Ագրիկոլ Բանկը ներդրել է նոր ACBA Ticket անվճար բջջային հավելվածը, որը հնարավորություն է տալիս նախօրոք հերթագրվելով՝ սպասարկվել կատարած նշումներին համապատասխան՝ էականորեն տնտեսելով ժամանակը: Բջջային հավելվածից հնարավոր է օգտվել ինչպես նախապես գրանցվելով, այնպես էլ առանց գրանցվելու:
Հավելվածը գործում է հետևյալ տրամաբանությամբ. հաճախորդը դրա միջոցով նախապես ընտրում է իր նախընտրած մասնաճյուղը, ապա՝ ծառայությունը, որից ցանկանում է օգտվել, նշում իրեն հարմար օրը և ժամը, գալիս մասնաճյուղ ու սպասարկվում իր կատարած նշումներին համապատասխան: Այդ պահին էկրանին կտրոնի համարը երևում է M տառով:
ACBA Ticket-ը նախատեսված է iOS և Android օպերացիոն համակարգերով աշխատող բոլոր տեսակի սարքավորումների համար:
Հավելվածից կարող են օգտվել բոլոր ցանկացողները՝ ինչպես Բանկի հաճախորդները, այնպես էլ՝ Բանկի հաճախորդ չհանդիսացող անձինք: Այս միջոցով քաղաքացիները կարող են նախօրոք հերթագրվել և սպասարկվել Բանկի՝ Երևանում գործող մասնաճյուղերում:
