 Հարթաքանդակ Հռոմի պապի համար. Հայ քանդակագործը բրոնզից և ոսկուց նվեր է պատրաստում 30 մայիսի 2016 - 16:37 AMT PanARMENIAN.Net - Հայտնի հայ քանդակագործ Ֆերդինանդ Առաքելյանն աշխատում է ցնցող հարթաքանդակի ստեղծման վրա, որը ողջ հայ ժողովրդի անունից նվիրելու է Հռոմի Ֆրանցիսկոս Պապին, հայտնում է «Նովոստի Արմենիան»: Հռոմի Սրբազան Քահանայապետ Ֆրանցիսկոս Պապի Հայաստանի Հանրապետություն այցը կմեկնարկի հունիսի 24-ին: Այցի կարգախոսն է` «Այց առաջին քրիստոնյա երկիր»: «Երբ Հռոմի Ֆրանցիսկոս Պապը ճանաչեց Հայոց ցեղասպանությունը, ինձ մոտ միանգամից ցանկություն առաջացավ անակնկալ պատրաստել Սրբազանի համար: Երբ հայտնի դարձավ նրա հայաստանյան այցի օրը, ես սկսեցի «Լռության րոպե» բարելիեֆի ստեղծման աշխատանքները», - ասել է լրագրողներին Առաքելյանը: Նրա խոսքով, չորս մետր երկարություն և մեկ մետր բարձրություն ունեցող հարթաքանդակի կենտրոնում Կենաց ծառն է, որը խորհրդանշում է հայ ժողովրդի բարգավաճումը: Քանդակը պատրաստվելու է բրոնզից և ոսկուց: «Գաղափարն այն է, որ ողջ աշխարհը եկել է Կենաց ծառի մոտ` հարգանքի տուրք մատուցելու Ցեղասպանության զոհերին` ոչ միայն Հայոց ցեղասպանության, այլ նաև` այլ ազգերի: Ես ցանկանում էի ցույց տալ նաև, որ հայ ժողովուրդը չի ոչնչացվել, այլ հակառակը` ապրում և բարգավաճում է», - ասել է նա: Հարթաքանդակը պատկերում է ավելի քան 220 ֆիգուր, որոնց թվում են նաև Հռոմի Ֆրանցիսկոս Պապը, Ամենայն Հայոց Կոթողիկոս Գարեգին Բ-ն, Մոսկվայի և Համայն Ռուսիո Կիրիլ Պատրիարքը, ինչպես նաև հրեաների և մուսուլմանների հոգևոր առաջնորդները։ «Ես կցանկանայի, որ այդ քանդակը փոխանցվի Հռոմի Պապին` որպես նվեր հայ ժողովրդի անունից` ի նշան երախտագիտության: Կցանկանայի, որ նվերը հանձներ կամ մեր երկրի նախագահը, կամ հոգևոր առաջնորդը», - նշել է Առաքելյանը: Քանդակագործի խոսքով, հարթաքանդակը նախատեսվում է ավարտել հունիսի 15-ին, իսկ այցից մի քանի օր առաջ քանդակի մի մասը ցուցադրվելու է հատուկ ցուցահանդեսին: Եռօրյա այցի շրջանակներում Հռոմի պապը կայցելի Մայր Աթոռ, կլինի Ծիծեռնակաբերդում ցեղասպանության զոհերի թանգարանում, Գյումրի այցից հետո պատարագ կմատուցվի նաև Երևանում, իսկ այցի ավարտին Հռոմի պապը և Ամենայն Հայոց կաթողիկոսը կստորագրեն Համատեղ հայտարարություն: Հովվապետերը նաև աղոթք կմատուցեն Խոր Վիրապի վանքում:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
