Հայկական մուլտֆիլմեր` Երևանի կինոթատրոններում
Հայաստանի ազգային կինոկենտրոնի նախաձեռնությամբ, «Մոսկվա», «Կինո Պարկ» և «Սինեմա Սթար» կինոթատրոններում, հունիսի 20-ից մեկնարկել է հայկական մուլտֆիլմերի ցուցադրման ծրագիրը:
Նպատակը երեխաներին հայկական արտադրության մերօրյա մուլտֆիլմերին ծանոթացնելն է:
Ծրագրի շրջանակում ցուցադրվում են ՀՀ մշակույթի նախարարության աջակցությամբ նկարահանված մուլտֆիլմերը` «Վիշապագորգ», ռեժիսոր՝ Գայանե Մարտիրոսյան, «Սասնա Ծռեր», ռեժիսոր՝ Արման Մանարյան, «Զարմանադարան». ռեժիսոր՝ Անդրանիկ Թորոսյան, «Գորտը», ռեժիսոր՝ Անդրանիկ Թորոսյան, «Տարաշխարհիկները», ռեժիսոր՝ Գայանե Մարտիրոսյան, «Մի անգամ մի օր», ռեժիսոր՝ Նաիրա Մուրադյան:
