 Աշխարհի արձագանքը Brexit-ին. Սա ամենաուժեղ հարվածն է եվրաինտեգրմանը 1945-ից հետո 24 հունիսի 2016 - 11:02 AMT PanARMENIAN.Net - Մեծ Բրիտանիայում ԵՄ-ից դուրս գալու վերաբերյալ հանրաքվեի նախնական արդյունքները, որոնց համաձայն երկրի քաղաքացիների մեծ մասը քվեարկել է ԵՄ կազմից դուրս գալու օգտին, վկայում են, որ առաջնորդները թերագնահատում են ժողովրդի կարծիքը: Այսպիսի հայտարարություն է արել ԵԱՀԿ գլխավոր քարտուղար Լամբերտո Զանիերը: Մոտ կեսդարյա անդամակցությունից հետո ԵՄ-ն լքելու օգտին է քվեարկել Մեծ Բրիտանիայի ընտրողների 52%-ը, իսկ մնալու օգտին` 48%-ը «Քվեարկությունը Մեծ Բրիտանիայում ցույց է տալիս, որ ղեկավարները թերագնահատում են մարդկանց արձագանքն արագ փոփոխվող աշխարհում: Սա դաս է, որը մենք պետք է յուրացնենք արագ և խոնարհաբար»,-գրել է Զանիերը Twitter-ի իր միկրոբլոգում, հայտնում է ՌԻԱ Նովոստին: ԱՄՆ նախագահ Օբաման մտադիր է քննարկել հանրաքվեի արդյունքները Մեծ Բրիտանիայի վարչապետ Դևիդ Քեմերոնի հետ: Նա ասել է, որ Սպիտակ տունը լրացուցիչ մեկնաբանություններ կտա «պատշաճ ժամկետում»: Չեխիայի խորհրդարանի նախագահ Յան Գամաչեկն իր հերթին հայտարարեց, որ Brexit-ն ամենաուժեղ հարվածը հասցրեց եվրաինտեգրմանը 1945 թվականից հետո: Ֆրանսիայի ԱԳ նախարար Ժան Մարկ Էյրոն հայտարարել է, որ վշտացած է հանրաքվեի արդյունքներից: Նա նշել է, հանրաքվեի ելքը տխուր է Մեծ Բրիտանիայի համար: «Եվրամիությունը կշարունակի գործել, սակայն պետք է արձագանքի և վերադարձնի մարդկանց վստահությունը: Սա պետք է անհապաղ արվի»,-ասելէ Էյրոն: Իռլանդիայի Հանրապետության կառավարությունը արտահերթ նիստ կանցկացնի հունիսի 24-ին` քննարկելու համար հանրաքվեի արդյունքները Մեծ Բրիտանիայում, հայտնում է Reuters-ը: 2015-ի դեկտեմբերին Մեծ Բրիտանիայի արտաքին գործերի նախարար Ֆիլիպ Համոնդը հայտարարել է երկրի` Եվրամիությունից դուրս գալու մասին հանրաքվե անցկացնելու օրենք ընդունելու մասին։ Համոնդը նշել է, որ օրինագիծն «ստացել է թագուհու արտոնագիրը», այսինքն, պաշտոնապես հաստատվել է։ Եվրոպական խորհրդի ղեկավար Դոնալդ Տուսկը հայտարարել էր, որ Եվրամիության քաղաքական գերակայությունը Մեծ Բրիտանիայի պահպանումն է ԵՄ–ում։  Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
