Հռոմի պապը՝ Գյումրիում. Այստեղ իրականացվել են Եսայի մարգարեի խոսքերը![]() 25 հունիսի 2016 - 13:15 AMT PanARMENIAN.Net - Հունիսի 25-ին Գյումրի քաղաքի Սուրբ Վարդանանց հրապարակում Ամենայն Հայոց Կաթողիկոսի աղոթակցությամբ Հռոմի պապ Ֆրանցիսկոսը մատուցել է Սուրբ Պատարագը: Պապը պատարագի ընթացքում ասել է. «Վերակառուցում ենք հին ավերակները, վերանորոգում անբնակ քաղաքները»: Այս վայրերում, իրականացվել են Եսայի մարգարեի խոսքերը, որ լսեցինք: Անաստտվածության երկար տարիների հոգևոր կործանումից հետո, երկրաշարժի սարսափելի նյութական ավերածություններից հետո, այսօր գտնվում ենք այստեղ՝ Աստծուն շնորհակալություն հայտնելու՝ հավատի ազատության և առատաձեռնության համար, որ բազում մարդկանց օգնեց վերականգնելու համար իրենց կյանքը, հսկայական դժվարություններով հանդերձ», - ասել է Ֆրանցիսկոս պապը: «Վերածննդյան նշաններից ուզում եմ հիշեցնել Աշոցքի հիվանդանոցը, 25 տարի առաջ և ճանաչվեց որպես «Պապի հիվանդանոցը»: Արդարև, սեր է՝ Աստծուց ստացած և ընկերոջ ընծայված սերն է – ինչպես վկայում է օրինակի համար Կալկաթայի երանելի Մայր Թերեզան -, ժայռը՝ որի վրա պետք է կարուցել և վերակարուցել մեր ապագան: Այս հիմքի վրա է, որ հաստատված է Հիսուսի աշակերտի կյանքը. սիրո միջոցով է, որ Եկեղեցու դեմքը երիտասարդանում և հմայիչ է դառնում: «Սրանից բոլորը իմանում են, որ իմ աշակերտներն էք, եթե սիրեք իրար» (Յվ 13,35): Կոչված ենք միշտ կառուցել և վերակառուցել, առանց երբեք հոգնելու, կամուրջներ սարքել, ոչ թե պարիսպներ կամ բաժանարար պատնեշներ»: Պապի խոսքով, հայ ժողովուրդը թող միշտ ավելի համախմբված լինի հաւատի և սիրո մեջ: «Աստուած բնակվում է սիրողի մեջ. Աստված բնակվում է որտեղ սիրում են իրար, հատկապես որտեղ տկարներին և աղքատներին են խնամում: Նա միշտ օրհնում և պաշտպանում է նրան ով «բարի լուրն է տանում թշվառներին, կոտրված սրտերի վերքերն է պատում և մխիթարում է վշտացածներին» (հմմտ. 1-2 համարները), - մեջբերել է Հռոմի պապը: «Եկել եմ որպէես ուխտավոր այս օրհնյալ երկիրը. հանդիպելով ձեզ հետ, որ ժամանել եք տարբեր շրջաններից և մոտակա Վրաստանից, տեսնում եմ, որ Աստուած ձեզ մենակ չի թողել. Նա այցելած է ձեր ժողովրդին (հմմտ. Ղկ (1,68): Հռոմի պապի խոսքով, սակայն, միշտ առկա է փորձությունը: «Մինչդեռ, հավատը ծնվում և վերածնվում է Տիրոջ, Հիսուսի հետ կենդանի հանդիպումից, իր փրկող և կյանքի բոլոր պարագաներում լուսավորող գթասրտության փորձառությամբ: Օգտակար է ամեն օր վերանորոգել այս հանդիպումը, Աստծո Խոսքի ընթերցումով և աղոթքով բացվելով իր սիրուն, որ երջանկությունն է սնուցում: Իսկ երբ Յիսուս կանչի հետևելու իրեն, հատկապես երբ ձեզ՝ երիտասարդներիդ հրավիրի, մի երկմտեք: Նա մեզ ճանաչում է, մեզ իսկապես սիրում է, և ուզում է ազատել սիրտը վախի և հպարտության ծանրություններից: Նրան տեղ տալով, կարող ենք սեր ճառագայթել և Ավետարանը քարոզել», - ասել է Ֆրանցիսկոս պապը: «Ուղում եմ բոլորի ուշադրությունը հրավիրել եկեղեցու վարդապետ, Գրիգոր Նարեկացու կերպարի: Նա մարգարե էր աստվածային ողորմութեան: Դժվար է գտնել որևէ մեկին, որ նրա պես կարողանա հաղթահարել անդնդային թշուառությունը: Նարեկացին ոչ միայն վարդապետ է ուսուցման, այլ հատկապես կյանքի: Նա մարգարեաբար ներկայացնում է ձեր ժողովրդին, որ պատմության ընթացքում ունեցել է շատ անգամ ողբերգական սեփական դեպքերը: Ձեր սիրելի ժողովուրդը ևս, տառապելու քաջատեղյակ եւ Հարության զորությամբ, կարող է հավատի վկա և վարդապետ լինել մեզ բոլորիս: Հունիսի 25-ի առավոտյան Հայաստանում եռօրյա այցով գտնվող Հռոմի պապ Ֆրանցիսկոսն, Ամենայն Հայոց կաթողիկոս Գարոգին Բ-ն, ՀՀ նախագահ Սերժ Սարգսյանը մի շարք հոգևոր և պետական այրերի ուղեկցությամբ այցելել է Հայոց ցեղասպանության զոհերի հիշատակի հուշահամալիր ու Ցեղասպանության թանգարան-ինստիտուտ: Այնտեղ նրանք ծաղիկներ են դրել ու աղոթել են զոհերի հիշատակին: Կատարվել է բարեխոսական կարգի արարողությունը՝ հայցելով սրբադասված նահատակների բարեխոսությունը: Ֆրանցիսկոս Պապն այցելել է Ծիծեռնակաբերդի հուշահամալիրի Հիշողությունների պուրակ՝ օրհնել իր անվամբ տնկված եղևնին, որից հետո գրառում է կատարել Հայոց Ցեղասպանության թանգարան-ինստիտուտի պատվո այցելուների գրքում: Հռոմի պապը Գյումրիում պատարագ է մատուցել. Մասնակցել են հազարավոր մարդիկ (Թարմացված) (վիդեո) ![]() ![]() Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման ![]() ![]() ![]() | ![]() ![]() ![]() ![]() ![]() ![]() ![]() ![]() |