Սերժ Սարգսյան. Ներողություն եմ խնդրում լրագրողներից հուլիսի լույս 30-ի դեպքերի համար

1 օգոստոսի 2016 - 18:31 AMT

PanARMENIAN.Net - ՀՀ նախագահ Սերժ Սարգսյանը ներողություն է խնդրել լրագրողական հանրությունից հուլիսի 29 լույս 30-ին Սարի թաղում ու Խորենացի փողոցում ցույցերը ցրելու ժամանակ լրագրողների հանդեպ բռնության համար:

«Ես շնորհակալ եմ մեր լրագրողներին իրենց անմնացորդ աշխատանքի համար և անարյուն հանգուցալուծմանը նպաստելու համար: Ես նաև ներողություն եմ խնդրում մեր լրագրողներից հուլիսի 29-ի՝ լույս 30-ի գիշերվա դեպքերի համար. սա մեր ամենաէական բացթողումն էր այս օրերի ընթացքում: Բոլոր հետևություններն, անշուշտ, արվելու են», - ասել է նա:

«Ձեր ներողամտությունը հայցելով՝ միայն լրագրողներին, բայց ոչ իրավապահներին, խնդրում եմ մոռանալ այդ դեպքերի մասին, քանի որ իրոք վստահ եմ, որ այլևս նման բան չի կրկնվելու, և նաև ուզում եմ, որ այդ դեպքերն այսուհետ անգամ ենթագիտակցական որևէ ազդեցություն չունենան ձեր ազատ գործելաոճի վրա», - նշել է Սերժ Սարգսյանը:

Հուլիսի լույս 30-ին Սարի թաղում իրադարձություների ընթացքում տասնյակից ավել լրագրողներ են տուժել: Բացի ցույցի ընթացքում հատուկ միջոցների կիրառումից ստացված այլ ներկաների հետ մեկտեղ այրվածքներից ու գազի ազդեցությունից, լրագրողները թիրախավորված ծեծի են ենթարկվել ոստիկանների ու քաղաքացիականով անձանց կողմից, կոտրվել են տեսախցիկներ: Օգոստոսի 1-ի դրությամբ 2 լրագրող դեռևս մնում է հիվանդանոցներում:

Կարդացեք նաև. Նախագահ. Ահաբեկչությունը խրախուսելը մահացու մեղք է

Սարգսյան. «Կրկնում եմ՝ ԼՀ հարցում միակողմանի զիջումներ չեն լինելու, բացառվում է»

Սերժ Սարգսյան. Մեր նպատակը ազգային համաձայնության իշխանություն ձևավորելն է

Հղումներ թեմայով.

http://panorama.am/en/news/2016/08/01/journalists-President/1621685