  ՀԱՊԿ երևանյան գագաթնաժողովում կքննարկվի հավաքական անվտանգության ռազմավարությունը 13 սեպտեմբերի 2016 - 16:35 AMT PanARMENIAN.Net - Հոկտեմբերի 14-ին Երևանում կայանալիք Հավաքական անվտանգության պայմանագրի կազմակերպության (ՀԱՊԿ) գագաթնաժողովում կքննարկվի հավաքական անվտանգության ռազմավարությունը մինչև 2025թ.: Այդ մասին Մինսկում հայտարարել է ՀԱՊԿ գլխավոր քարտուղար Նիկոլայ Բորդյուժան, հայտնում է ՌԻԱ Նովոստին: «Մենք գործնականում համաձայնեցրել ենք հավաքական անվտանգության մասին փաստաթուղթը և ներկայացնելու ենք այն նախագահներին հոկտեմբերի 14-ին Երևանում»,-ասել է Բորդյուժան Բելառուսի նախագահ Ալեքսանդր Լուկաշենկոյի հետ հանդիպմանը: Նա նաև տեղեկացրել է Բելառուսի նախագահին ՀԱՊԿ Ճգնաժամային արձագանքման կենտրոնի ստեղծման նախագծի մասին: «Այս գործընթացը ևս բավականին դրական է ընթանում: Կարծում եմ, նախագահները կհաստատեն որոշումը, որի համաձայն մենք կստեղծենք ՀԱՊԿ ազդեցության գոտում իրավիճակի դիտարկման կենտրոն: Կենտրոնը կկարողանա փաստաթղթային, թվային, տեսանյութերի տեսքով տեղեկատվություն փոխանակել անդամ պետությունների նման կառույցների հետ, տեսակոնֆերանսներ անցկացնել»,-ասել է Բորդյուժան: Ըստ նրա, հանդիպմանը նաև խոսվել է կազմակերպության ուժային բաղադրիչի հզորացման մասին: «Վերջին ամիսներին մի շարք զորավարժություններ են անցկացվել հավաքական ուժերի տարբեր ստորաբաժանումների մասնակցությամբ: Առաջին անգամ Բելառուսում տեղի ունեցած զորավարժությունների ժամանակ մշակվել են փախստականների մեծ զանգվածների առաջացմանն համատեղ արձագանքելու հարցեր: Մենք մշակում ենք փախստականներին ընդունելու, զատելու, նրանց օգնություն ցուցաբերելու հարցեր»,-ասել է նա: ՀԱՊԿ նոր գլխավոր քարտուղարի անունը հայտնի կդառնա հոկտեմբերի 14-ին Երևանում` ՀԱՊԿ Հավաքական անվտանգության խորհրդի նիստում, դա կլինի ՀՀ ներկայացուցիչը: Այդ մասին հայտարարել է ՀԱՊԿ գլխավոր քարտուղար Նիկոլայ Բորդյուժան:Ավելի վաղ ՀԱՊԿ-ում որոշում էր կայացվել, որ 2016-ից կազմակերպության գլխավոր քարտուղարի պաշտոնում պետք է ռոտացիոն կարգով նշանակվեն անդամ պետությունների ներկայացուցիչները՝ երեքական տարով: ՀԱՊԿ-ինանդամակցում են Ռուսաստանը, Հայաստանը, Բելառուսը, Ղազախստանը, Ղրղըզստանը և Տաջիկստանը:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
