  Աստված օրհնի Հայաստանը, Վրաստանը և Ադրբեջանը. Հռոմի պապն ամփոփել է կովկասյան այցը 6 հոկտեմբերի 2016 - 11:09 AMT PanARMENIAN.Net - Հռոմի Ֆրանցիսկոս պապը հոկտեմբերի 5-ին անդրադարձել է օրերս Վրաստան և Ադրբեջան կատարած այցին և խոսել քրիստոնեական միասնության կարևորության մասին: Tert.am-ը Վատիկանի ռադիոյին հղումով հայտնում է, որ, ելույթ ունենալով Սուրբ Պետրոսի հրապարակում հավաքված ուխտավորների առաջ, Հռոմի պապն իր երախտագիտությունն է հայտնել կովկասյան երկրներ այցելել կարողանալու համար: Նա իր այցը նկարագրել է որպես հունիսին Հայաստան կատարած այցի լրացում և ասել, որ մարտահրավերների առաջ կանգնած Կովկասի երեք ժողովուրդներին այցելելով նա կարողացել է բոլոր մարդկանց ուղղորդել խաղաղության և եղբայրության ճանապարհով: Հռոմի պապը նշել է, որ Կովկասի երեք երկրներ է այցելել՝ «հաստատելու համար, որ Կաթոլիկ եկեղեցին ապրում է նրանց մեջ և ուղղորդելու այս ժողովուրդներին դեպի խաղաղություն և եղբայրություն»: Կաթոլիկ եկեղեցու հովվապետն իր խոսքում նշել է, որ դիմելով Ադրբեջանի իշխանություններին՝ նա հույս է հայտնել, որ «կարող են գտնվել լավ լուծումներ դեռևս առկա խնդիրների համար և որ Կովկասի բոլոր ժողովուրդները կարող են ապրել խաղաղության և փոխադարձ հարգանքի պայմաններում»: «Աստված օրհնի Հայաստանը, Վրաստանը և Ադրբեջանը»,- ասել է Ֆրանցիսկոս պապը: Հռոմի պապը Հայաստան էր այցելել 2016 թվականի հունիսին, իսկ սեպտեմբերի վերջին-հոկտեմբերի սկզբին այցելել է Վրաստան և Ադրբեջան։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
