 Զախարովա. Կողմերը պետք է ինքնուրույն պայմանավորվեն ԼՂ կարգավիճակի հարցում 27 հոկտեմբերի 2016 - 17:49 AMT PanARMENIAN.Net - ՌԴ ԱԳՆ պաշտոնական ներկայացուցիչ Մարիա Զախարովան անդրադարձել է Ադրբեջանի նախագահ Իլհամ Ալիևի հայտարարությանը Լեռնային Ղարաբաղին ինքնավար հանրապետության կարգավիճակ տրամադրելու հնարավորության մասին, հայտնում է «Նովոստի Արմենիան»: Ավելի վաղ ՌԻԱ Նովոստի գործակալությանը տված հարցազրույցում Իլհամ Ալիևը հայտարարել էր, որ «ղարաբաղյան կարգավորման գործընթացում կարող է փոխզիջում լինել տեղական ինքնակառավարման հարցերում, ապագայում, եթե կողմերը պայմանավորվեն, դա կարող է լինել ինքնավար հանրապետություն»: «Առանցքայինն այստեղ «եթե կողմերը պայմանավորվեն» արտահայտությունն է: Կողմերը պետք է պայմանավորվեն»,-ասել է Զախարովան: Նա նշել է նաև, որ ուժային ոչ մի գործողություն չի կարող նպաստել խաղաղ կարգավորմանը: «Դա վերաբերում է նաև ԼՂ իրավիճակին, դա ընդհանրապես, վերաբերում է միջազգային հարաբերություններին և քաղաքական և դիվանագիտական կարգավորմանը»,-ասել է Զախարովան: Ավելի վաղ Ադրբեջանի նախագահ Իլհամ Ալիևը հայտարարել էր, որ Ադրբեջանին ստիպում են ճանաչել Լեռնային Ղարաբաղի անկախությունը: Ըստ նրա, այդ հարցում Ադրբեջանի դեմ ակտիվ արշավ է սկսվել: «Փակ դռների հետևում մեր հանդեպ ճնշում է գործադրվում` ստիպելու համար համաձայնություն տալ Լեռնային Ղարաբաղի անկախության ճանաչմանը: Շատ մանրամասներ մենք չենք բացահայտում, քանի որ կան դիվանագիտության կանոններ: Ադրբեջանը երբեք չի համաձայնի դրան»,-ասել է Ալիևը:   Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը   Ամենաընթերցվողը բաժնում |  Վերջին լուրեր Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը  Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարելFastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստումGRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականըՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին |
