  Պակիստանը ՀԱՊԿ ԽՎ-ում դիտորդի կարգավիճակ չի ունենա. Հայաստանը դեմ է եղել 24 նոյեմբերի 2016 - 15:57 AMT PanARMENIAN.Net - ՀԱՊԿ Խորհրդարանական վեհաժողովում հայկական պատվիրակության ջանքերով Պակիստանին այդ կառույցում դիտորդի կարգավիճակ տրամադրելու հարցը հանվել է ՀԱՊԿ ԽՎ խորհրդի՝ Սանկտ Պետերբուրգում նոյեմբերի 24-ի նիստի օրակարգից: Այդ մասին հայտարարել է ԱԺ փոխնախագահ Էդուարդ Շարմազանովը, հայտնում է «Sputnik Արմենիան»: Փոխխոսնակի խոսքով, այդ հարցով նա նամակով դիմել է ՌԴ Պետդումայի նախագահ Վյաչեսլավ Վոլոդինին՝ պարզաբանելով հայկական պատվիրակության դիրքորոշումը: «Նամակում, մասնավորապես, ընդգծել եմ, որ հայկական պատվիրակությունը հանդես է գալիս ՀԱՊԿ ԽՎ-ում Պակիստանին դիտորդի կարգավիճակ տրամադրելու դեմ: Որպես մեր դիրքորոշման հիմնավորում՝ նշել եմ այն փաստը, որ Պակիստանը մինչ այժմ չի ճանաչել Հայաստանի անկախությունը»,- պարզաբանել է Շարմազանովը։ Ըստ նրա` Պակիստանը նաև միակողմանի կարգով աջակցում է ղարաբաղյան հակամարտության կարգավորման հարցում Ադրբեջանի դիրքորոշմանը, ինչը հակասում է ինչպես ԵԱՀԿ Մինսկի խմբի, այնպես էլ ՀԱՊԿ դիրքորոշմանը: «Այդ քաղաքականության դրսևորում էր ղարաբաղյան հակամարտության գոտում ապրիլյան պատերազմի օրերին Իսլամաբադի կողմից Բաքվի ռազմատենչ գործողություններին աջակցությունը»,- ասել է Շարմազանովը։ ՀԱՊԿ ԽՎ Քաղաքական կոմիտեի նիստում այդ նամակը քննարկվել է, և որոշում է կայացվել այդ հարցը չընդգրկել ՀԱՊԿ ԽՎ խորհրդի նիստի օրակարգում: Ավելի վաղ Պակիստանի առևտրի զարգացման գործակալության տնօրեն Շեյխ Մոհամադ Մունիրը հայտարարել էր, որ Պակիստանը հույս ունի մեկ տարվա ընթացքում ազատ առևտրի մասին պայմանագիր ստորագրել Եվրասիական տնտեսական միության հետ:Նա ասել էր, որ Իսլամաբադն ուզում է մոտ ժամանակներս բանակցություններ սկսել ԵՏՄ հետ՝ պայմանագիրը ստորագրելու վերաբերյալ:2016-ի տարեսկզբին Իսլամաբադը ԵՏՄ-ին ազատ առևտրի համաձայնագիր կնքելու վերաբերյալ հարցում էր ուղարկել: ՀՀ ԱԳՆ-ն ի պատասխան հայտարարել էր, որ եթե ԵԱՏՄ-ի և Պակիստանի միջև ազատ առևտրի մասին համաձայնագիր կնքելու հարցը քննարկման առարկա դառնա, «Հայաստանի Հանրապետության մոտեցումը պայմանավորված կլինի Պակիստանի դիրքորոշմամբ Հայաստանի հետ հարաբերությունների և ԼՂ հակամարտության կարգավորման հարցերում»:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
