ՄԱԿ. ԻՊ ահաբեկիչները սպանում են Մոսուլի բնակիչներին անհնազանդության համար![]() 29 նոյեմբերի 2016 - 17:06 AMT PanARMENIAN.Net - «Իսլամական պետություն» ահաբեկչական խմբավորման գրոհայինները հաշվեհարդար են տեսել իրաքյան Մոսուլի խաղաղ բնակիչների հետ` համագործակցելուց հրաժարվելու համար, հայտնում է ՌԻԱ Նովոստին ՄԱԿ Մարդու իրավունքների գերագույն հանձնակատարի վարչության վրա հղումով: «Ըստ առկա տեղեկությունների, ԻՊ գրոհայինները 12 խաղաղ բնակիչ են սպանել Բաքիր շրջանում` Մոսուլի արևելյան մասում, քանի որ նրանք, ենթադրաբար, թույլ չեն տվել իրենց տների տանիքներին հրթիռներ տեղադրել»,-ասել է վարչության ներկայացուցիչ Ռավինա Շամսադանին: Ըստ նրա, գրոհայինները նաև գնդակահարում են քաղաքի այն բնակիչներին, որոնք հրաժարվում են դիպուկահարներին ներս թողնել, փորձում են փախչել կամ մեղադրվում են տվյալներ փոխանցելու համար: Ըստ ՄԱԿ տվյալների, նոյեմբերի 25-ին գրոհայինները նաև հրապարակավ 27 խաղաղ բնակչի են գնդակահարել: Մոսուլն ԻՊ ահաբեկիչների վերահսկողության տակ է 2014-ից: Քաղաքն անվանում են խմբավորման «իրաքյան մայրաքաղաք»: Մոսուլի ազատագրման գործողությունը մեկնարկել է նոյեմբերի 17-ին Իրաքի զինվորականների, սուննի և շիա աշխարհազորայինների, քրդական ուժերի մասնակցությամբ: Ավելի քան 68.000 մարդ ստիված է եղել լքել իր տունը և բռնի տեղահանված դառնալ գործողության մեկնարկից հետո: Նոյեմբերի 21-ին իրաքյան բանակն ազատագրել է Մոսուլից դեպի հարավ գտնվող Էլ Սալյամիա, Ալ Հումեյրա գյուղերը, իսկ շիա աշխարհազորայինների ջոկատները մտան Թալ Աֆար քաղաք: ![]() ![]() Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ ![]() ![]() ![]() | ![]() ![]() ![]() ![]() ![]() ![]() ![]() ![]() |