ՀՀ-ում օդի ջերմաստիճանը կնվազի. Քամին կուժգնանա

PanARMENIAN.Net - Դեկտեմբերի 2-ին և 3-ին հանրապետության առանձին շրջաններում սպասվում է քամու ուժգնացում` 15-20 մ/վ, պոռթկումները՝ 20-25 մ/վ:

Դեկտեմբերի 3-ի գիշերը, 5-6-ը շրջանների մեծ մասում, 3-ի ցերեկը հյուսիսային շրջաններում, 7-ի գիշերը հարավային շրջաններում սպասվում են տեղումներ, լեռնային և նախալեռնային շրջաններում‵ ձյուն: 4-ին սպասվում է առանց տեղումների եղանակ:

Քամին՝ հարավ-արևելյան՝ 3-8 մ/վ արագությամբ: Օդի ջերմաստիճանը 4-ի գիշերը կնվազի 2-4, 5-6-ի ցերեկը‵ 4-6 աստիճանով:

Երևանում դեկտեմբերի 3-ի գիշերը, 5-6-ը ժամանակ առ ժամանակ սպասվում են տեղումներ, բարձրադիր վայրերում‵ թաց ձյուն, ցածրադիր գոտիներում՝ ձնախառն անձրև: Դեկտեմբերի 3-ի ցերեկը սպասվում է ամպամածություն, կա թույլ տեղումների հավանականություն: Դեկտեմբերի 4-ին, 7-ին սպասվում է առանց տեղումների եղանակ: Ջերմաստիճանը դեկտեմբերի 3-ի և 4-ի ցերեկը +6 է սպասվում, 5-ի ցերեկը՝ +4 աստիճան, 6-ի և 7-ի ցերեկը՝ +2 աստիճան: