Հնագետները պարզել են Հիսուսի գերեզմանի ծագումը

PanARMENIAN.Net - Հնագետները պարզել են Երուսաղեմում գտնվող Հիսուսի գերեզմանի ծագումը, որտեղ, ըստ առասպելի, խաչելությունից հետո հուղարկավորվել է Հիսուս Քրիստոսը:

Գերեզմանի պարունակությունն, ըստ հնագետ Ֆրեդերիկ Հիբերտի National Geographic-ից, «պարզ ապացույցն է այն բանի, որ ժամանակակից ուխտավորների երկրպագման վայրը հենց այն նույն գերեզմանն է, որը Հռոմի կայսր Կոստանդիանոս Առաջինը, իսկ ավելի ճիշտ, նրա մայրը` Հեղինեն, հայտնաբերել է IV դարում»,-գրում է Lenta.ru-ն The Independent-ի վրա հղումով:

Երբ հնագետները հանեցին գերեզմանը ծածկող մարմարի սալաքարը, նրանք հայտնաբերեցին կրաքարը, որի վրա հավանաբար դրված էր Հիսուս Քրիստոսի մարմինը: Գերեզմանում գիտնականները նաև երկրորդ մարմարի սալաքարն են հայտնաբերել, որը նախկինում անհայտ էր հետազոտողներին, որի վրա, նրանց կարծիքով, խաչակիրները XII դարում խաչ են փորագրել:

Հնագետների հայտնաբերած մարմարի սալաքարը մոխրագույն է, ոչ թե կաթնագույն, և թաքնված էր փոշու հաստ շերտի տակ: Ըստ գիտնականների, հենց այդ սալաքարի հայտնաբերումը կարող է ապացույց համարվել այն բանի, որ բացված դամբարանը այն նույն գերեզմանն է, որը IV դարում հայտնաբերել էր կայսր Կոստանդիանոս Առաջինը:

Հնագետները 1555թ. հետո առաջին անգամ հանել են մարմարի սալաքարը Քրիստոսի գերեզմանից Երուսաղեմի Տիրոջ գերեզմանի տաճարում: Նրանք սումնասիրության համար հարուստ նյութ են հայտնաբերել մարմարի սալաքարի տակ, որը տեղադրվել է 1555-ին, քանի որ ուխտավորները ձգտում էին մի մասունք տանել Տիրոջ գերեզմանից

Տիրոջ գերեզմանը գտնվում է գմբեթային մատուռում, որը վերականգնվել է 1809-1810թթ. հույն ճարտարապետ Նիկոլայ Կոմինի նախագծով: Այժմ վերականգնողական աշխատանքներ են իրականացնում Աթենքի Ազգային տեխնիկական համալսարանի մասնագետները Անտոնիո Մարոպոլոյի գլխավորթյամբ: Աշխատանքներին մասնակցում են նաև հայ մասնագետները: Աշխատանքները ֆինանսավորում են Ուղղափառ, Կաթոլիկ և Հայ առաքելական եկեղեցիները, որոնք պատասխանատու են սրբավայրի համար: Եկեղեցիներից յուրաքանչյուրը վերականգնողական աշխատանքների համար կհատկացնի $3.3 մլն (£2.3 մլն):