Մոսկվան անհիմն է անվանել ԱՄՆ զեկույցը հաքերային հարձակումների մասին![]() 9 հունվարի 2017 - 17:42 AMT PanARMENIAN.Net - ԱՄՆ զեկույցը, որտեղ Ռուսաստանը մեղադրվում է հաքերային հարձակումների համար, «վհուկների որս է հիշեցնում», այդսպիսի անհիմն մեղադրանքերից արդեն հոգնել ենք: Այդպիսի հայտարարություն է արել ՌԴ նախագահի մամուլի քարտուղար Դմիտրի Պեսկովը: Հունվարի 6-ին հետախուզությունը զեկույց է ներկայացրել Թրամփին ԱՄՆ ընտրություններին Ռուսաստանի միջամտության մասին: Փաստաթղթի մի մասը հրապարակվել է: «Մենք կտրականապես մերժում ենք Մոսկվայի մեղսակցության բոլոր մեղադրանքները, պաշտոնատար անձանց, կամ ՌԴ պաշտոնական գերատեսչության ցանկացած առնչություն հաքերային հարձակումներին մենք բացառում ենք»,-ասել է Պեսկովը, հայտնում է ՌԻԱ Նովոստին: Ըստ նրա, հրապարակումները սիրողական մակարդակի անհիմն մեղադրանքներ են պարունակում: Նախագահի մամուլի քարտուղարն ասել է, որ Մոսկվան «արդեն լրջորեն» հոգնել է այդ մեղադրանքներից: «Մենք հասկանում ենք, որ մեր ամերիկացի գործընկերներն իրենց պատմության տարբեր փուլերում ունեցել են «վհուկների որս»: Մենք գիտենք, որ այդ շրջաններին փոխարինելու են գալիս ավելի սթափ մասնագետներ, ավելի սթափ մոտեցումներով»,-ասել է Պեսկովը: Ամերիկյան կողմը կարծում է, որ ՌԴ կառավարության բարձրաստիճան պաշտոնյաներին հայտնի է եղել կիբերմիջամտության մասին: Ընտրություններից հետո նրանք տոնել են իրենց հաղթանակը՝ արդյունքները համարելով Մոսկվայի «աշխարհաքաղաքական ձեռքբերումը»: Զեկույցը հունվարի 5-ին ներկայացվել է նախագահ Բարաք Օբամային, այն պարունակում է 2016-ի ԱՄՆ նախագահական ընտրություններին ՌԴ միջամտության «ապացույցների մանրամասները»: Զեկույցում նաև տեղեկություններ կան վերջին 9 տարում ԱՄՆ ընտրական համակարգի վրա Մոսկվայի այլ կիբերազդեցությունների մասին: Փաստաթղթի ծավալը 50 էջ է: Հղումներ թեմայով. ![]() ![]() Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ ![]() ![]() ![]() | ![]() ![]() ![]() ![]() ![]() ![]() ![]() ![]() |