// IP Marketing video - START// IP Marketing video - END

Քաղաքային դպրոցների շենքային պայմանները կուսումնասիրվեն

Քաղաքային դպրոցների շենքային պայմանները կուսումնասիրվեն

PanARMENIAN.Net - Կառավարության հունվարի 12-ի նիստում վարչապետ Կարեն Կարապետյանն անդրադարձել է Արթիկի թիվ 7 հիմնական դպրոցի ոչ բարվոք պայմաններին:

Կրթության և գիտության նախարարին, տարածքային կառավարման և զարգացման նախարարին, մարզպետներին և Երևանի քաղաքապետին նա հանձնարարել է ուսումնասիրել քաղաքային դպրոցների շենքային պայմաններն ու հնարավորությունները՝ ներկայացնելով առաջարկություններ երեխաների կրթական պրոցեսը համապատասխան պայմաններում կազմակերպելու վերաբերյալ:

«Երկշաբաթյա ժամկետում ներկայացնել առաջարկություններ շենքային ոչ բարվոք պայմաններ ունեցող ուսումնական հաստատությունների վերակոմպլեկտավորման կամ այլ հնարավոր լուծումների վերաբերյալ», - ասել է Կարապետյանը, մեջբերում է Aysor.am-ը:

Արթիկի թիվ 7 միջնակարգ դպրոցի անմխիթար վիճակի մասին 2016-ից մամուլում հրապարակումներ են եղել, սոցիալական ցանցերում բազմաթիվ հարցադրումներ էին ուղղվում վարչապետ Կարեն Կարապետյանին: Երեւանի ավագանու անդամ Անահիտ Բախշյանը նույնպես խնդրի վերաբերյալ սոցցանցում դիմել էր վարչապետին:

 Ուշագրավ
Նա հավելել է, որ չգիտի որևէ դեպք, որ բանակում հարկադրել են զինծառայողին աղոթել կամ մկրտվել
Ըստ ԱԻՆ հիդրոմետ ծառայության օդերևութաբանության կենտրոնի պետի, տաք և արևոտ օրեր կլինեն
Ըստ Վահան Սարգսյանի, բարմենները միշտ առանց հավելումների լավ գազավորված ջրի կարիք ունեն
Տալլինի այն տանը, որտեղ ժամանակին ապրել է Դովլաթովը հուշատախտակ է փակցված