// IP Marketing video - START// IP Marketing video - END

ԱՄՆ Սենատը քվեարկել է Obamacare ծրագրի չեղարկման օգտին

ԱՄՆ Սենատը քվեարկել է Obamacare ծրագրի չեղարկման օգտին

PanARMENIAN.Net - Ամերիկյան Սենատը քվեարկել է ԱՄՆ հեռացող նախագահ Բարաք Օբամայի առողջապահության բարեփոխման ծրագրի չեղարկման օգտին, որը հայտնի է որպես Obamacare, հայտնում է ՌԻԱ Նովոստին:

Ձայները գրեթե հավասար են բաշխվել. 51 սենատոր չեղարկման օգտին է քվեարկել, 48-ը` դեմ:

«Մենք պետք է արագ գործենք, թեթևացնելու համար իրավիճակն ամերիկացիների համար»,-մեջբերում է գործակալը հանրապետական սենատոր Միչ Մաքքոնելին:

Օբամայի առողջապահական ոլորտի բարեփոխմամբ նախատեսվում էր բուժապահովագրության պարտադիր ձեռքբերում չունեվորների համար սուբսիդիաներով: Իր հրաժեշտի խոսքում Օբաման ասել էր, որ ծրագիրն արդյունավետ է, և հավաստիացրել էր, որ եթե ինչ-որ մեկն ավելի լավ ծրագիր առաջարկի, ինքը կաջակցի այդ ծրագրին:

Բարեփոխման մասին օրենքն ընդունվել է 2010-ին միայն դեմոկրատների ձայներով, որոնք այն ժամանակ իշխում էին Կոնգրեսում: Հետո հանրապետականները, մեծամասնություն ստանալով Կոնգրեսում, տասնյակ անգամ քվեարկել են օրենքի չեղարկման օգտին, սակայն նախագահը վետո է դրել:

Հանրության շրջանում Obamacare-ը հակասական գնահատականներ է ստացել: Ըստ հարցումների, ամերիկացիների մոտ կեսը համարում է, որ ծրագրից պետք է հրաժարվել: Մյուս կողմից մոտ 20 մլն մարդ առաջին անգամ ապահովագրություն է ստացել այդ ծրագրով:

Թրամփը բազմիցս է դեմ արտահայտվել Օբամայի օրենքին` համարելով այն անարդյունավետ և թանկ սպառողների համար:

 Ուշագրավ
Ընդհանուր առմամբ, աստերոիդի այսքան մոտ թռիչքը նշանակում է, որ ապագայում հնարավոր են էլ ավելի սերտ մոտեցումներ, որոնք նաև կարող են սպառնալ բախումներով
Հարձակման ենթարկվածի մասին տեղեկություններ դեռ չկան
Սպառազինությունն առաքվել է Ադրբեջան ըստ երկու երկրների ռազմատեխնիկական գործակցության մասին պայմանավորվածության