 ՀՀ-ն և Ռուսաստանը Միջտարածաշրջանային գործակցության ծրագիր են ստորագրել 25 հունվարի 2017 - 17:16 AMT PanARMENIAN.Net - ՀՀ տնտեսական զարգացման և ներդրումների նախարար Սուրեն Կարայանը և ՌԴ արդյունաբերության և առևտրի նախարար Դենիս Մանտուրովը Մոսկվայում համագործակցության հուշագիր են ստորագրել, որը միտված է արդյունաբերության և առևտրի բնագավառում հայ-ռուսական փոխգործակցության խորացմանը: Ստորագրման արարողությանը ներկա են եղել ՀՀ վարչապետ Կարեն Կարապետյանը և ՌԴ վարչապետ Դմիտրի Մեդվեդևը:ՌԴ վարչապետ Դմիտրի Մեդվեդևի հրավերով, ՀՀ վարչապետ Կարեն Կարապետյանը երկօրյա պաշտոնական այցով գտնվում է Ռուսաստանի Դաշնությունում: Այս հուշագրով կողմերը կաշխատեն ՀՀ և ՌԴ միջև առևտրի ծավալների ավելացման և կառուցվածքի կատարելագործման, փոխադարձ առևտրում ավանդական, ինչպես նաև բարձր տեխնոլոգիական և նորարարական արտադրանքի մասնաբաժնի ավելացման և դիվերսիֆիկացիայի ուղղությամբ միջոցառումների մշակման ուղղությամբ։ Նախարարների ստորագրած փաստաթղթով կստեղծվի աշխատանքային խումբ` ՀՀ և ՌԴ արդյունաբերության բնագավառում գործունեություն իրականացնող սուբյեկտների միջև համագործակցության ընդլայնման և խորացման ճանապարհային քարտեզի մշակման նպատակով։ Նախարար Սուրեն Կարայանի և ՌԴ տնտեսական զարգացման նախարար Մակսիմ Օրեշկինի կողմից մեկ այլ փաստաթուղթ է ստորագրվել «Միջտարածաշրջանային համագործակցության 2016-2021 թթ. ծրագրի» վերաբերյալ։ Այս ծրագրով նախատեսվում է. • միջտարածաշրջանային ծրագրերի և համատեղ նախագծերի իրականացում, որոնք ունեն առաջնային կարևորություն երկու պետությունների տարածաշրջանների սոցիալ-տնտեսական զարգացման տեսանկյունից, այդ թվում նաև առողջապահական, կրթական, գիտական, մշակութային և զբոսաշրջության ոլորտներում • համատեղ մրցունակ ձեռնարկությունների ստեղծում, այդ թվում նաև Հայաստանի Հանրապետության վարչատարածքային կազմավորումների և Ռուսաստանի Դաշնության սուբյեկտների միջև համագործակցության առաջնային ոլորտներում բարձր տեխնոլոգիական ապրանքների թողարկում • փոքր և միջին ձեռնարկատիրության ոլորտում համատեղ նախագծերի իրականացում • տեղեկատվական և այլ փոխգործակցության համակարգերի գործարկում • արդյունավետ փոխգործակցության իրականացում զբաղվածության և աշխատանքային միգրացիայի, տարածքային պլանավորման, մրցակցային քաղաքականության, ազգամիջյան քաղաքականության, մշակույթի, գիտության և կրթության, ԶԼՄ-ների, գրահրատարակչության և այլ ոլորտներում։ Ստորագրված փաստաթղթով կողմերը պայմանավորվել են իրականցնել մի շարք այլ քայլեր, ՀՀ և ՌԴ իշխանության մարմինների միջոցով` համաձայն սահմանված Ծրագրի միջոցառումների պլանի։ Բանակցությունների արդյունքում նախատեսվում է ստորագրել մի շարք միջկառավարական և միջգերատեսչական փաստաթղթեր` ուղղված ռուս-հայկական հարաբերությունների ամրապնդմանը տարբեր ոլորտներում:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
