// IP Marketing video - START// IP Marketing video - END

Գերմանիայի ԱԳՆ-ն՝ Էրդողանին. «Հանդուրժող ենք, բայց ոչ հիմար»

Գերմանիայի ԱԳՆ-ն՝ Էրդողանին. «Հանդուրժող ենք, բայց ոչ հիմար»

PanARMENIAN.Net - Գերմանիայի ԱԳ նախարար Զիգմար Գաբրիելն անհեթեթ է անվանել Թուրքիայի նախագահ Ռեջեփ Թայիփ Էրդողանի հերթական մեղադրանքները Գերմանիայի հասցեին:

Թուրքիայի նախագահ Էրդողանը հեռուստատեսային ելույթում մեղադրել է Գերմանիայի կանցլերին «իր թուրք եղբայրների և քույրերի դեմ նացիստական մեթոդներ կիրառելու» մեջ:

«Մենք հանդուրժող ենք, բայց ոչ հիմար»,-ի պատասխան հայտարարել է Գաբրիելը Passauer Neue Presse թերթին տված հարցազրույցում:

Նա շեշտել է, որ Անկարայից հնչող անհեթեթ մեղադրանքներն ու համեմատությունները վրդովմունք են առաջացնում Բեռլինում: Նա հավելել է, որ իր թուրք պաշտոնակցի հետ հանդիպմանը պարզ հասկացրել է, որ Անկարան հատել է թույլատրելիի սահմանը, գրում է Deutsche Welle-ն:

Գերմանիայի սոցիալ-դեմոկրատների նոր ղեկավարն ու Գերմանիայի կանցլերի թեկնածու Մարտին Շուլցը Մերկելին ուղղված Էրդողանի մեղադրանքները լկտիություն է անվանել: «Այն, որ երկրի ղեկավարն այդ ձևով վիրավորում է բարեկամ երկրի կանցլերին, լկտիություն է»,-ասել է Շուլցը:

Գաբրիելն ու Շուլցը շեշտել են, որ թուրք քաղաքական գործիչների քարոզչական ելույթներն արգելող Գերմանիայի իշխանությունների գործողություններն իրավաչափ են եղել:

Գերմանիայի և Թուրքիայի միջև հարաբերություններում լարվածության հերթական աճը տեղի ունեցավ, երբ Գերմանիայում չեղարկեցին թուրք նախարարների մասնակցությունը թուրքական համայնքի միջոցառումներին: Անկարան այդ արգելքը մի քանի անգամ համեմատեց նացիզմի հետ:

Ավելի վաղ հայտնի դարձավ, որ Գերմանիայի կառավարությունը կարող է արգելել թուրք քաղաքական գործիչների մուտքը երկիր: Այդ մասին հայտարարել է Գերմանիայի դաշնային կանցլերի գերատեսչության ղեկավար, հատուկ հանձնարարությունների նախարար Պետեր Ալթմայերը:

 Ուշագրավ
Ընդհանուր առմամբ, աստերոիդի այսքան մոտ թռիչքը նշանակում է, որ ապագայում հնարավոր են էլ ավելի սերտ մոտեցումներ, որոնք նաև կարող են սպառնալ բախումներով
Հարձակման ենթարկվածի մասին տեղեկություններ դեռ չկան
Սպառազինությունն առաքվել է Ադրբեջան ըստ երկու երկրների ռազմատեխնիկական գործակցության մասին պայմանավորվածության