Թուրքիայի նախագահ Ռեջեփ Թայիփ Էրդողանը հայտարարել է, որ մտադիր է վերականգնել երկրում մահապատիժը: Այդ մասին նա հայտարարել է ապրիլի 16-ին սահմանադրական հանրաքվեի արդյունքների հրապարակումից հետո:
Մահապատժի վերականգնումը նա անվանել է իր «առաջնային խնդիրը»: Այդ մասին Էրդողանը հայտարարել է Ստամբուլում կողմնակիցների առջև ելությի ժամանակ, գրում է Deutsche Welle-ն:
Մահապատիժը վերականգնելու համար հարկավոր է ստանալ Թուրքիայի խորհրդարանի պատգամավորների առնվազն երկու երրորդի համաձայնությունը: Եթե գաղափարը բավարար ձայներ չստանա, հանրաքվե կանցկացվի, ասել է Էրդողանը: Հանրաքվեն հնարավոր կլինի անցկացնել, եթե դրան կողմ քվեարկի խորհրդարանի անդամների 60 տոկոսը:
Մահապատիժը վերականգնելու մտադրության մասին Էրդողանը սկսեց խոսել 2016-ի հուլիսի պետական հեղաշրջման անհաջող փորձից հետո: Բրյուսելում ասել են, որ մահապատժի վերականգնումը կչեղարկի ԵՄ-ին անդամակցելու Թուրքիայի ջանքերը:
Ըստ ԿԸՀ-ի, Թուրքիայում ապրիլի 16-ին կայացած հանրաքվեի նախնական արդյունքներով՝ քվեաթերթիկների 99.9%-ի հաշվարկից հետո, աննշան առավելություն են գրացնել Սահմանադրության փոփոխության կողմնակիցները՝ խորհրդարանականից նախագահական կառավարման համակարգի անցնելու կողմնակիցները կազմել են քվեարկությանը մասնակցածների 51.2%-ը:
