Հանկարծամահ է եղել Քրիս Քորնելը՝ «Խոստումի » սաունդթրեքի հեղինակը

PanARMENIAN.Net - Մայիսի լույս 18-ի գիշերը մահացել է ամերիկացի հայտնի վոկալիստ, այլընտրանքային և հարդ ռոքի աստղ, Հայոց ցեղասպանության մասին «Խոստումը» ֆիլմի սաունդթրեքի հեղինակ Քրիս Քորնելը:

Երաժշտի ներկայացուցիչ Բրայան Բամբերին հայտարարել է, որ նրա մահը միանգամայն անսպասելի էր: Ըստ Բամբերիի, Քորնելը վախճանվել է Դեթրոյթում, որտեղ Soundgarden խումբը մայիսի 17-ին համերգ է տվել: Երաժշտի մահվան պատճառները հայտնի չեն:

Նշվում է, որ հարազատները ցնցված են և խնդրում են ԶԼՄ-ներին ձեռնպահ մնալ իրենց անձնական կյանքին միջամտելուց:

Ապրիլին Քորնելը ներկա է եղել «Խոստումի» պրեմիերային Վատիկանում:

Քորնելը Audioslave խմբի վոկալիստն էր: Խումբը 3 ալբոմ է թողարկել Քորնելի հետ: 2007-ին Քորնելը հայտարարեց, որ հեռանում է խմբից և մենակատարի կարիերա սկսում: 2010-ին հայտարարվեց Soundgarden խմբի վերամիավորման մասին: Soundgarden-ը ստեղծվել էր 1990-ին և Գրեմմիի էր արժանացել Ultramega OK ալբոմի համար Best Metal Performance անվանակարգում:

2017-ին խումբը հայտարարեց Հյուսիսային Ամերիկայով շրջագայության մասին: Մայիսի 19-ին Կոլամբուսում կայանալիք համերգի բոլոր տոմսերը վաճառված էին: