 Մանչեսթերի ահաբեկչության գործով ևս 3 ձերբակալված կա 24 մայիսի 2017 - 17:03 AMT PanARMENIAN.Net - Մեծ Բրիտանիայի ոստիկանությունը մայիսի 24-ին ևս 3 անձ է ձերբակալել Մանչեսթերում Արիանա Գրանդեի համերգին տեղի ունեցած ահաբեկչության գործով: Ոստիկանության հայտարարության մեջ ասվում է, որ բոլոր 3-ի նկատմամբ ձերբակալության թույլտվություն է ստացվել հետաքննության շրջանակում, գրում է Deutsche Welle-ն: Մեծ Բրիտանիայի ՆԳՆ ղեկավար Էմբեր Ռադը հայտնել է, որ հանցագործը, որն իրագործել է Մանչեսթերի ահաբեկչությունը, նախկինում ևս հայտնի է եղել ոստիկանությանը: Նա հավելել է, որ իրավապահ մարմինները ելնում են նրանից, որ 22-ամյա Սալման Աբեդին, որը գործի է դրել պայթուցիկը, միայնակ չի գործել: Մայիսի 22-ին Մեծ Բրիտանիայի Մանչեսթեր քաղաքի «Մանչեսթեր Արենա» (Manchester Arena) մարզադաշտում ամերիկացի երգչուհի Արիանա Գրանդեի համերգից անմիջապես հետո 2 պայթյուն է որոտացել, ինչի հետևանքով զոհվել է նվազագույնը 22 մարդ, վիրավորվել՝ մոտ 120-ը: Ըստ բրիտանական ՆԳՆ-ի ղեկավարի, ահաբեկչությունն «ավելի լավ էր նախապատրաստված, քան մյուսները, որոնց հետ առիթ է եղել բախվելու», ուստի, ոստիկանությունը կարծում է, որ հանցագործը հանցակիցներ է ունեցել: Մահապարտ ահաբեկչի անձը բացահայտվեց մայիսի 23-ին: Ըստ բրիտանական ԶԼՄ-ների, Աբեդին ծնվել է 1994-ին Մանչեսթերում, նրա ծնողները լիբանանցի փախստականներ են: Ընտանիքում 4 երեխա է եղել: Վերջերս Աբեդին վերադարձել էր Լիբիայից, որտեղ հարազատներ ունի: Ընթերցեք նաև. Մանչեսթերի մահապարտ ահաբեկչի անունը հայտնի է   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
