Մադրիդի «Ռեալի» և Պորտուգալիայի ֆուտբոլի հավաքականի հարձակվող Քրիշտիանու Ռոնալդուն իր կամքով 6 մլն եվրո հարկ է վճարել դեռևս մինչ պաշտոնական մեղադրանքը հարկեր չվճարելու համար, գրում է Deutsche Welle-ն իսպանական Marca թերթի վրա հղումով:
Ավելի վաղ հայտնի դարձավ, որ Իսպանիայի հարկային ծառայությունը մեղադրել է հայտնի ֆուտբոլիստին 2011-2013թթ. 15 մլն եվրո հարկ չվճարելու մեջ և հիմա լուծվում է այն հարցը, թե ինչ են համարվում նրա գործողությունները՝ վարչական խախտում թե հարկային հանցագործություն:
Իսպանիայի ֆինանսների նախարարությունը հավանություն է տվել հարկային ծառայության պահանջին՝ նշելով, որ Ռոնալդուի արարքի որակավորման վրա կարող են ազդել այնպիսի գործոններ, ինչպիսիք են իր մեղքը ճանաչելն ու թաքցրած գումարը վճարելը:
Թեև Ռոնալդուն գումարի մի մասն է վճարել միայն, դա նրան թույլ կտա խուսափել քրեական հետապնդումից:
