Ուղիղ չվերթները Երևանից. Դեպի ուր և ինչ հաճախականությամբ

PanARMENIAN.Net - Ամառային արձակուրդներին ընդառաջ PanARMENIAN.Net ը հավաքել է հանգստի և ճանաչողական զբոսաշրջության համար նախատեսված մի քանի ուղղություն, ուր Երևանից հնարավոր է հասնել ուղիղ չվերթով: Ցանկում ներառված չեն դեպի ՌԴ ավանդական ուղղությունները:

Երևան-Թել Ավիվ-Երևան

«Արմենիա» ավիաընկերությունն իրավունք է ստացել թռիչքներ իրականացնել Երևան-Թել Ավիվ-Երևան երթուղով: Չվերթներն իրականացվում են շաբաթական երկու անգամ՝ հինգշաբթի և կիրակի օրերին: Թռիչքների մեկնարկը տրվել է 2017-ի մայիսի 17-ին:

Թել Ավիվ-Երևան ուղղության արժեքը կազմում է €99, որից €49-ը տոմսի արժեքն է, €50-ը` հարկերը: Երեւան-Թել Ավիվ ուղղության դեպքում սակագինը նույնն է, իսկ հարկերը կազմում են €71: Ընդ որում, ցածր սակագնով տոմսերը հասանելի են չվերթից 60 օր առաջ և ենթակա չեն հետ վերադարձի, 30 օր առաջ գործում են արդեն այլ սակագներ, չվերթից մեկ շաբաթ առաջ՝ այլ: Մեկնարկային գինը երկու ուղղության համար կազմում է €220՝ ներառյալ 20 կգ ուղեբեռ և 7 կգ ձեռքի ուղեբեռ:

Երևան-Բեյրութ-Երևան

«Արմենիա» ավիաընկերությունն ապրիլի 10-ին Երևան-Բեյրութ կանոնավոր ուղիղ չվերթ է գործարկել: ՀՀ և Լիբանանի միջև մուտքի արտոնագրերի ռեժիմ չի գործում: Տոմսի արժեքը, ներառյալ մյուս ծախսերը, սկսում է 320 դոլարից։ Այս գումարի մեջ մտնում է 30 կգ ուղեբեռն ու 10 կգ ձեռքի ուղեբեռը։

Բրյուսել-Երևան-Բրյուսել

Կանոնավոր չվերթն իրականացվում է շաբաթը երկու անգամ, հունիսից` երեք անգամ, իսկ հուլիսից` չորս։ 2016-ի դեկտեմբերի 10-ից «Բրասլզ Էըրլայնզ» (Brussels Airlines) և«ԱրմՎինգս» ավիաընկերություններն իրականացնում եմ Բրյուսել-Երևան-Բրյուսել ուղիղ չվերթը:

Մեկ ուղղության արժեքը սկսվում է €159-ին, իսկ երկկողմանի չվերթի արժեքը՝ €304-ին համարժեք դրամից: Թռիչքները կատարվում են երկու շաբաթը մեկ անգամ: Թռիչքներն իրականացվում են շաբաթական 1 անգամ, իսկ հուլիսի 2-ից շաբաթական երկու ուղիղ թռիչք կիրականացվի:

Նախատեսվում է թռիչքները ամռանը դարձնել շաբաթը երկու անգամ՝ չորեքշաբթի և կիրակի:

Երևան-Բարսելոնա-Երևան

«Արմենիա» ավիաընկերության օդանավերը հուլիսի 12-ից կանոնավոր չվերթով կիրականացնեն դեպի Բարսելոնա: Չվերթները կիրականացվեն յուրքանչյուր չորեքշաբթի: Թռիչքի տևողությունը՝ 5 ժամ:

Երևան-Պրահա-Երևան

Երևան-Պրահա-Երևան «Արմենիա» ավիաընկերությունը մայիսի 25-ին ստացել է թույլտվություն՝ իրականացնելու կանոնավոր ուղիղ չվերթներ՝ Երևան-Պրահա-Երևան ուղղությամբ:

Չվերթները կիրականացվեն hունիսի 13-ից՝ շաբաթական երկու անգամ՝ երեքշաբթի և ուրբաթ օրերին: Չվերթի տևողությունը 3 ժամ 45 րոպե է: Տոմսերի գների մասին կհայտարարվի ավելի ուշ։

Փարիզ-Երևան-Փարիզ

Ուղիղ չվերթն ավելի քան 10 տարի իրականացնում է Air France ավիափոխադրողը: 10 տարվա ընթացքում Փարիզ-Երևան չվերթից օգտվել է 500 հազարից ավելի ուղևոր: Թռիչքները շաբաթական 4 անգամ են իրականացվքում:

Վարշավա-Երևան-Վարշավա

LOT ավիաընկերությունն իրականացնում է Վարշավա-Երևան-Վարշավա թռիչքները: Իրականացվում է շաբաթական 5 չվերթ:

Աթենք-Երևան- Աթենք

2017-ի ապրիլից Երևանից կանոնավոր ուղիղ թռիչքներ են իրականացվում դեպի Աթենք հունական Aegean Air ավիաընկերության կողմից, որը հանդիսանում է Star Alliance խմբի անդամ: Երևանից ուղևորները կկարողանան շաբաթական 2 անգամ ուղևորվել Աթենք: Թռիչքները կսպասարկվեն մինչև նոյեմբեր ամիսը:

Վիեննա-Երևան-Վիեննա

Թռիչքներն իրականացնում է Austrian Airlines-ը՝ ամեն օր:

Շարմ էլ-Շեյխ- Երևան- Շարմ էլ-Շեյխ

Հուրգադա-Երևան- Հուրգադա երթուղով թռիչքները կմեկնարկեն 2017 թվականի հունիսի 18-ից, Շարմ էլ-Շեյխ- Երևան- Շարմ էլ-Շեյխ երթուղով թռիչքները՝ 2017թ. սեպտեմբերի 24-ից: Հուրգադա-Երևան-Շարմ էլ-Շեյխ երթուղով թռիչքը կիրականացվի սեպտեմբերի 17-ին: Թռիչքները կիրականացվեն «Էյէմսի էյրլայնզ» ավիաընկերության կողմից:

Ավիաընկերությունը հունիսի 22-ից հոկտեմբերի 28-ն ընկած ժամանակատվածում թռիչքներ է նախատեսում նաև Շարմ էլ-Շեյխ- Երևան- Շարմ էլ-Շեյխ երթուղով: Թռիչքները կիրականացվեն շաբաթական մեկ անգամ՝ յուրաքանչյուր հինգշաբթի:

Դուբայ-Երևան-Դուբայ

Դեպի Արաբական Միացյալ Էմիրություններ պարբերական չվերթ են իրականացնում ՖԼԱՅ ԴՈՒԲԱՅ, ԷՅՐ ԱՐԱԲԻԱ ավիաընկերությունները: Իրականացվում է նաև Շարժա-Երևան-Շարժա ուղիղ չվերթը:

Մինսկ-Երևան-Մինսկ

Բելառուսական «Բելավիա» ավիաընկերությունը մայիսի 24-ին վերսկսել է ուղիղ թռիչքներ իրականացնել Մինսկ-Երևան-Մինսկ երթուղով:

Ամառային նավիգացիոն շրջանում՝ մայիսից հոկտեմբերն ընկած ժամանակահատվածում, «Բելավիա»-ն չվերթներ կիրականացնի շաբաթական երկու անգամ՝ չորեքշաբթի և կիրակի օրերին:

Մինսկից Երևան թռիչքների տոմսի արժեքը կսկսվի 114 եվրոյից, իսկ Երևանից Մինսկ տոմսերի արժեքը՝ 152 եվրոյից: Հետադարձով թռիչքների տոմսերի արժեքը կսկսվի 226 եվրոյից՝ ներառյալ հարկերը:

Աստանա-Երևան-Աստանա

Ղազախական Scat ավիաընկերությանն Աստանա-Երևան-Աստանա երթուղին շահագործելու թույլտվություն է տրամադրել: Ավիաընկերությունը կանոնավոր չվերթներ կիրականացնի մայիսի 31-ից: Թռիչքները կիրականացվեն շաբաթական երկու անգամ՝ չորեքշաբթի և շաբաթ օրերին:

Scat ավիաընկերությունը շաբաթական 3 անգամ՝ չորեքշաբթի, ուրբաթ և կիրակի օրերին, թռիչքներ է իրականացնում նաև Ակտաու-Երևան-Ակտաու երթուղով: Ուղիղ չվերթներ կան նաև Ակտաու-Երևան-Ակտաու ուղղությամբ:

Ուղիղ չվերթներ են իրականացվում նաև Դոհա-Երևան-Դոհա, Սանկտ Պետերբուրգ-Երևան-Սանկտ Պետերբուրգ, Ս.Պետերբուրգ-Երևան-Ս.Պետերբուրգ, Թեհրան-Երևան-Թեհրան, Թբիլիսի-Երևան- Թբիլիսի և մի շարք այլ ուղղություններով: