 Հայ և ռուս սահմանապահները վարժանք են անցկացրել Իրանից դեպի ԼՂ անցումը կանխելու սցենարով 10 հուլիսի 2017 - 16:48 AMT PanARMENIAN.Net - ՀՀ-ում ՌԴ Անվտանգության դաշնային ծառայության սահմանապահ վարչության ստորաբաժանումները ՀՀ Ազգային անվտանգության սահմանապահ զորքերի հետ համատեղ մշակել են Իրանից դեպի Արցախ անցումը կանխելու սցենարը: ՀՀ-ում ՌԴ Անվտանգության դաշնային ծառայության սահմանապահ վարչության և ՀՀ Ազգային անվտանգության սահմանապահ զորքերի ստորաբաժանումների գործողությունների ու միջոցների համաձայնեցման մակարդակի բարձրացման նպատակով կազմակերպվել և անցկացվել է համատեղ վարժանք «Սահմանային որոնման իրականացում կցման (Նյուվադիի) ուղղությամբ», հայտնում է Sputnik-Արմենիան սահմանապահ վարչության մամուլի ծառայության վրա հղումով: Վարժանքին մասնակցել է ՀՀ-ում ՌԴ Անվտանգության դաշնային ծառայության Մեղրիի սահմանապահ ջոկատն ու ՀՀ ԱԱԾ երկրորդ սահմանապահ ջոկատը: Վարժանքի ընթացքում մշակվել է գործող ստորաբաժանումների փոխադարձ իրազեկման կարգը՝ պետական սահմանախախտների որոնման սցենարով, որոնք փորձում են ճեղքել սահմանն ու անցնել Լեռնային Ղարաբաղի տարածքի խորքը: «Ըստ սցենարի, հայ-իրանական սահմանի 2 պայմանական սահմանախախտ հաղթահարել է ազդանշանային համալիրի գծային մասն ու հատել ՀՀ և ԼՂՀ վարչական սահմանը՝ փորձելով թաքնվել լեռնային տեղանքում: Որոնման արդյունքում պայմանական սահմանախախտներից մեկը ձերբակալվում է սահմանապահների կողմից, իսկ երկրորդը հայտնաբերվում է կվադրոկոպտերի օգնությամբ՝ վրան տեղադրված տեսախցիկի օգնությամբ»,-ասվում է հաղորդագրության մեջ: Ռուսաստանցի սահմանապահների կարգավիճակը Հայաստանի տարածքում սահմանվում է միջպետական պայմանագրով՝ ստորագրված 1992թ. սեպտեմբերի 30-ին Երևանում։ Այդ փաստաթուղթը մտնում է այն պայմանագրերի և համաձայնագրերի համակարգի մեջ, որոնք ստորագրվել են երկու պետությունների միջև 1990-ական թթ. սկզբին:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
