// IP Marketing video - START// IP Marketing video - END

Թրամփն ուզում է արմատապես փոխել «Գրին քարտ» շնորհելու ձևը

Թրամփն ուզում է արմատապես փոխել «Գրին քարտ» շնորհելու ձևը

PanARMENIAN.Net - Ամերիկյան «Գրին քարտի»՝ ԱՄՆ-ում մշտական բնակության և աշխատանքի իրավունքի խաղարկության համակարգը հնացել է և մոտ ապագայում պետք է վերանա։

Այս մասին է հայտարարել ԱՄՆ նախագահ Դոնալդ Թրամփը, գրում է «Ամերիկայի ձայնը»։

«Տասնամյակներ շարունակ Միացյալ Նահանգները «Գրին քարտ» է շնորհել հսկայական թվով մասնագիտական նվազագույն գիտելիքներ ունեցող մարդկանց», - ասել է նա։

«Ներկայիս համակարգը կփոխարինվի միավորների համակարգով: «Գրին քարտ» ստանալու առաջնահերթություն կստանան անգլերեն լեզվին տիրապետող, սեփական ծախսերը հոգալու հնարավորություն ունեցող և մասնագիտական հմտություններ ունեցող մարդիկ»:

Կոնգրեսում հավանություն ստանալու դեպքում օրենքը կվերացնի «Գրին քարտի» խաղարկությունն ու կսահմանափակի կրթություն և մասնագիտական հմտություններ չունեցող մարդկանց «Գրին քարտ» ստանալու հնարավորությունը:

Այժմ 15 ներգաղթյալից միայն մեկն է ԱՄՆ-ում մշտական բնակություն հաստատում իր գիտելիքների և ասնագիտական հմտությունների շնորհիվ: Արդյունքում, տուժում են ԱՄՆ-ում բնակվող ֆիզիկական աշխատանք կատարող քաղաքացիները, ում աշխատանքը ավելի ցածր աշխատավարձով պատրաստ են կատարել նորեկները:

 Ուշագրավ
Հարձակման ենթարկվածի մասին տեղեկություններ դեռ չկան
Սպառազինությունն առաքվել է Ադրբեջան ըստ երկու երկրների ռազմատեխնիկական գործակցության մասին պայմանավորվածության
Օսմանյան ճարտարապետության ոճով մզկիթի կառուցումն սկսվել է 2012-ին