// IP Marketing video - START// IP Marketing video - END

Կառավարությունը ծրագրում է պահպանել էլէներգիայի գործող սակագները մինչև 2036 թվականը

Կառավարությունը ծրագրում է պահպանել էլէներգիայի գործող սակագները մինչև 2036 թվականը

PanARMENIAN.Net - ՀՀ Էներգետիկ համակարգի երկարաժամկետ (մինչև 2036 թվականը) զարգացման ծրագրով Հայաստանում էլեկտրաէներգիայի սակագները չեն բարձրանա: Այս մասին հայտարարել է էներգետիկ ենթակառուցվածքների և բնական պաշարների Աշոտ Մանուկյանը Կառավարության նիստի ընթացքում, հայտնում է «Այսօր»-ը։

Նրա խոսքով, փոխվարչապետի ու ֆինանսների նախարարի հետ քննարկվում է պայմանականորեն կայունացման հիմնադրամի ստեղծումը․ այն թույլ կտա պահպանել ներկայիս սակագները։

Ծրագրի իրականացման համար նոր միջոցների հայթայթում է անհրաժեշտ։ Հիմնադրամը կօգնի բացառել արտաքին ազդեցությունը սակագների վրա։

Էլեկտրաէներգիայի թանկացումը 2015 թվականին սոցիալական ցնցումների պատճառ էր դարձել, երբ հազարավոր քաղաքացիներ փակել էին Բաղրամյան պողոտան՝ պահանջելով չեղարկել որոշումը։ Պայքարն ապարդյուն անցավ, ՀԷՑ-ը փոխանցվեց գործարար Սամվել Կարապետյանի ստրուկտուրաներին, որոնք մոտ մեկ տարի՝ կառավարության հետ համատեղ, սուբսիդավորեցին հին ու նոր տարիֆների տարբերությունը։

ՀՀ Էներգետիկ համակարգի երկարաժամկետ զարգացման հայեցակարգը հավանաբար երկու շաբաթից կներկայացվի կառավարությանը:

 Ուշագրավ
Դեռ պարզ չէ՝ երբ է ընկերությունը հայտ ներկայացնելու և ինչպես է հիմնավորելու սակագնի վերանայման անհրաժեշտությունը
Ներդրումը կօգնի ՀԷՑ-ին բարելավելու մասնավոր հատվածում էլեկտրաէներգիայի բաշխումը Հայաստանում` բաշխման կորուստները նվազեցնելու միջոցով
Կարապետյանը շրջայց է կատարել գործարանում, ծանոթացել արտադրական գործընթացին, ընկերության ծրագրերին և զարգացման հեռանկարներին
Նախատեսված է ներմուծման փոխարինում, արտահանման ծավալների ավելացում