// IP Marketing video - START// IP Marketing video - END

ՄԱԿ. Եմենում մոտ 400.000 մարդ խոլերայով է վարակվել

ՄԱԿ. Եմենում մոտ 400.000 մարդ խոլերայով է վարակվել

PanARMENIAN.Net - Եմենում խոլերայի վարակը տարածվել է երկրի գրեթե բոլոր շրջաններում. ավելի քան 400.000 մարդ արդեն վարակակիր է: Այդ մասին հայտնել է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը:

«ՄԱԿ-ը հայտնում է, որ Եմենում խոլերայի համաճարակը տարածվել է երկրի 22 շրջաններից բոլորում, բացի մեկից: Վարակի կասկածանքով ավելի քան 480.000 դեպք է գրանցվել, մոտ 2000 մարդ արդեն մահացել է դրանից, ինչպես նաև դիարեայի հետ կապված այլ հիվանդություններից»,- նշել է նա, մեջբերում է ՏԱՍՍ-ը:

Դյուժարիկի խոսքով, վերջին մի քանի շաբաթում համաճարակի տարածման տեմպերը նվազում էին, բայց մտավախություն կա, որ երկրում անձրևների սեզոնի մեկնարկի հետ մեկտեղ դրանք կարագանան: Ըստ Դյուժարիկի, երկրում առողջապահության ոլորտի աշխատակիցները գրեթե չեն վարձատրվում, բացի այդ՝ մոտ 8,8 մլն մարդ բնակվում է շրջաններում, որտեղ հիվանդանոցների ու բժշկական կետերի պակաս կա:

ՄԱԿ ներկայացուցիչը նաև նշել է, որ կազմակերպության գործակալությունները միջոցներ են ձեռնարկում համաճարակի դեմ պայքարելու համար. Եմենում խոլերայի բուժման ավելի քան 200 կենտրոն է բացվել: Նախորդ շաբաթ ՄԱԿ-ի ինքնաթիռները սկսել էին մայրաքաղաք Սանա դեղորայք ու հումանիտար օգնություն մատակարարել: Միաժամանակ, Դյուժարիկը հայտնել է, որ համաշխարհային կազմակերպությունը ֆինանսական միջոցների պակաս ունի վտանգավոր հիվանդության դեմ պայքարի համար: Ըստ նրա, այդ նպատակով պահանջված $254 մլն-ից դոնորները ՄԱԿ-ին 50%-ից էլ պակաս էին փոխանցել:

Եմենում 2014-ի օգոստոսից կառավարական ուժերը կռվում են ապստամբ հուսիտների դեմ: ՄԱԿ-ը մշտապես ահազանգում է երկրում աղետալի վիճակի մասին. ըստ վերջին գնահատականների, մոտ 20 մլն տեղացի՝ երկրի բնակչության մոտ 70%-ը, հումանիտար օգնության կարիք ունի, իսկ ներքին փախստականների թիվը գերազանցում է 3 մլն-ը: Եմենի 7 մլն բնակիչ սովահարության եզրին է, մոտ 2 մլն երեխա տառապում է ուտելիքի սուր բացակայությունից:

 Ուշագրավ
Ընդհանուր առմամբ, աստերոիդի այսքան մոտ թռիչքը նշանակում է, որ ապագայում հնարավոր են էլ ավելի սերտ մոտեցումներ, որոնք նաև կարող են սպառնալ բախումներով
Հարձակման ենթարկվածի մասին տեղեկություններ դեռ չկան
Սպառազինությունն առաքվել է Ադրբեջան ըստ երկու երկրների ռազմատեխնիկական գործակցության մասին պայմանավորվածության