// IP Marketing video - START// IP Marketing video - END

«Մաքուր Հայաստանի» ֆեյսբուքյան խմբում 5 ամսում աղտոտված 140 վայրի լուսանկար է հրապարակվել

«Մաքուր Հայաստանի» ֆեյսբուքյան խմբում 5 ամսում աղտոտված 140  վայրի լուսանկար է հրապարակվել

PanARMENIAN.Net - «Մաքուր Հայաստան» ծրագրի ֆեյսբուքյան խմբում 2017-ի ապրիլ-օգոստոս ամիսներին աղտոտված140 տեղանքի լուսանկար և տեսանյութ է հրապարակվել, որոնց ընդհանուր թիվը հազարից ավելի է: ՀՀ տարածքային կառավարման և զարգացման նախարարության հաղորդմամբ, ֆեյսբուքյան էջում դրանց հրապարակումից հետո, աշխատելով Երևանի և բոլոր մարզերի պատասխանատու կառույցների, համայնքապետերի հետ, քայլեր են ձեռնարկվել աղբը մաքրելու համար:

Աշխատանքների կատարումը տևել է մեկ ժամից մինչև մի քանի օր՝ կախված աղբի ծավալից և տարածքի բարդությունից:

Աղբյուրի հաղորդմամբ, նշված ժամանակահատվածում ամփոփելով «Մաքուր Հայաստան» ծրագրի ֆեյսբուքյան խմբի աշխատանքը, վստահորեն կարելի է ասել, որ հանրության մեջ մարդկանց իրազեկվածությունը ծրագրի վերաբերյալ գնալով աճել է, ինչպես նաև մասնակցությունն է ակտիվացել, և գրեթե ամեն օր խումբը ստանում է նոր տեղեկատվություն: Բացի խմբում հրապարակված լուսանկարներից, ուշադրության կենտրոնում են պահվել ինչպես ԶԼՄ-ներում, այնպես էլ մեդիա տարբեր հարթակներում խնդրի վերաբերյալ հրապարակումները:

«Մաքուր Հայաստան» ծրագրի շրջանակներում հուլիսի 29-ին և մայիսի 27-ին կայացած համապետական շաբաթօրյակի արդյունքում գույքագրված, քարտեզագրված և անձնագրավորված 2029 (494,61 հա) աղբանոցից արդեն փակվել են 1534-ը, փակման ենթակա են ևս 218 աղբանոց: Այսօրվա դրությամբ առկա է 277 հիմնական աղբավայր և մինչև 2018 թվականի մայիսի 27-ը հանրապետությունում նախատեսվում է ունենալ 117 արտոնագրված աղբավայր:

 Ուշագրավ
Cadila Healthcare հնդկական դեղագործական ընկերությունը հայտարարել է, թե ռուսաստանյան Pharm-Aid- ի հետ ջրծաղիկի դեմ պատվաստանյութի արտադրության վերաբերյալ բացառիկ պայմանագիր է կնքել
Աշխարհում գարեջրի մասին առաջին պահպանված գրավոր հիշատակություն արվել է մ.թ.ա. 4-րդ դարում հույն վարձկանների ղեկավար Քսենոֆոնի ճամփորդական օրագրում
ԱՊՀ շրջանակում գործում է առանց վիզաների փոխադարձ այցելությունների մասին դրույթը