  Daily Mail. Հայաստանում արջերին պահում են ռեստորաններում՝ անտանելի պայմաններում 25 հոկտեմբերի 2017 - 11:44 AMT PanARMENIAN.Net - Տասնյակ արջեր Հայաստանում պահվում են վանդակներում՝ ռեստորանների և խանութների այցելուներին զվարճացնելու համար: Այս մասին գրում է Daily Mail-ը: Նրանց որսացել և պարտադրել են ապրել նեղ վանդակներում, երբ դեռ ձագեր էին, և կերակրել են սննդի մնացորդներով: Կայքը հայտնում է նաև, որ բրիտանական բարեգործական՝ Կենդանիների փրկության միջազգային կազմակերպությունը (IAR) արջերին վանդակներից ազատելու նախաձեռնություն է սկսել: Բարեգործական կազմակերպությունը՝ ՀՀ կառավարության աջակցությամբ, հույս ունի անազատ պայմաններում պահվող մոտ 80 արջի փրկել: Յուրաքանչյուր կենդանու համար նախատեսվում է հատկացնել 4000 եվրո: IAR-ը հույս ունի նաև այս կենդանիներին վերադարձնել վայրի բնություն, սակայն հաշվի առնելով, որ նրանք ամբողջ կյանքն ապրել են վանդակներում, կազմակերպությունը նախատեսում է 75.000 եվրո հատկացնել՝ կենդանիների համար հատուկ պայմաններով հաստատության կառուցման համար: Ըստ պարբերականի, արջերը աղերսագին հայացքով հետևում են, թե ինչպես են գետափին ընտանիքները վայելում իրենց ճաշը՝ նրանցից սննդի պատառներ ակնկալելով: Հայաստանում կենդանիների որսն ու վատ պայմաններում պահելը հին ավանդույթ է, գրում է պարբերականը: Ի տարբերություն այլ ոլորտներում գրանցված առաջընթացի, կենդանիների իրավունքների պաշտպանությունը Հայաստանում շարունակում է մնալ վատ վիճակում: Photo. Roger Allen/Silverhub   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
