  Արևելյան Եվրոպայի լավագույն բուհերի ցանկում 6 ադրբեջանական ու ընդամենը 2 հայկական համալսարան է 27 հոկտեմբերի 2017 - 14:35 AMT PanARMENIAN.Net - Երկու հայկական համալսարան ընդգրկվել է Զարգացող Եվրոպայի և Կենտրոնական Ասիայի 250 լավագույն համալսարանների QS EECA University Ranking 2018 թվականի վարկանշային աղյուսակում: Աղյուսակը կազմել է կրթական և արտասահմանում ուսման հարցերով մասնագիտացած բրիտանական Quacquarelli Symonds (QS) ընկերությունը՝ հիմնվելով բուհերի ինը՝ ներառյալ ակադեմիական և որպես գործատու հեղինակության, գիտական հոդվածների և ուսանողների թվի հարաբերակցության և այլ հատկանիշների վրա: Երևանի պետական համալսարանը 181-րդն է վարկանշային աղյուսակում, Հայ-ռուսական համալսարանը՝ 201-րդը: ԵՊՀ-ն Հայաստանի ամենախոշոր համալսարանն է, որը 1919 թվականի հիմնադրումից ի վեր 100,000 շրջանավարտ է ունեցել: Հայ-ռուսական միջպետական համալսարանը հիմնադրվել է 1997 թվականին՝ ՀՀ և ՌԴ կառավարությունների նախաձեռնությամբ: Վարկանշային աղյուսակի համաձայն՝ միջպետական համալսարանի ուսանողների 25%-ը արտասահմանցի ուսանողներ են: Աղյուսակը չորս տարի շարունակ գլխավորում է Լոմոնոսովի անվան Մոսկվայի պետական համալսարանը: Նովոսիբիրսկի պետական համալսարանը (Ռուսաստան), Տարտուի համալսարանը (Էստոնիա), Սանկտ Պետերբուրգի պետական համալսարանը (Ռուսաստան) և Չարլզ համալսարանը (Չեխիա) լավագույն հնգյակում են: Վեց համալսարան Ադրբեջանից և մեկը Վրաստանից նույնպես ընդգրված են վարկանշային աղյուսակում: Հղումներ թեմայով.   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
