Արամ Ա. Դեր Զորի քանդված եկեղեցին պետք է վերականգնենք

Արամ Ա. Դեր Զորի քանդված եկեղեցին պետք է վերականգնենք

PanARMENIAN.Net - Դեր Զորի քանդված Սրբոց Նահատակաց եկեղեցին պետք է վերականգնել հավաքական ջանքերով: Այդ մասին հայտարարել է Մեծի Տանն Կիլիկիո կաթողիկոս Արամ Առաջինը՝ անդրադառնալով սիրիական բանակի կողմից հայկական սրբավայրի ազատագրմանը, հայտնում է «Գանձասարը»:

Սիրիայի կառավարական զորքերն «Իսլամական պետություն» ահաբեկչական խմբավորումից ազատագրել են Դեր Զորում Հայոց ցեղասպանության զոհերի հիշատակին նվիրված հուշահամալիրը:

«Հուզումով, ցավով և ընդվզումով դիտեցի Դեր Զորի մեր եկեղեցու և համալիրի նկարները: Քանդված են,ա մայի...Դեր Զորը մեր ժողովրդի համար ցավի, տառապանքի և Ցեղասպանության հոմանիշ է: Դեր Զորը նաև մեր ժողովրդի վերածննդի խորհրդանիշն է: Պատմության ընթացքում մեր թշնամիները քանդել են, մենք՝ վերակառուցել: Քանդված Դեր Զորը ևս պիտի վերակառուցենք հավաքական հավատով և հանձնառությամբ»,-ասել է Արամ Առաջինը:

Սիրիական Դեր Զոր քաղաքը իսլամիստների վերահսկողության տակ գտնվել է երեք տարի: 2014 թ սեպտեմբերին «Իսլամական պետություն»-ը պայթեցրել էր քաղաքի Սրբոց Նահատակաց հայկական եկեղեցին, որտեղ ամփոփված էին Հայոց ցեղասպանության զոհերի մասունքները։

 Ուշագրավ
Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից
«Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա
Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին
---