Ընդդիմադիր «Օրինաց երկիր» կուսակցության պահանջով, որը Հայաստանում կայացած նախագահական ընտրություններում առաջադրել էր խորհրդարանի նախկին խոսնակ Արթուր Բաղդասարյանին, սկսել է քվեների վերահաշվարկի գործընթացը: Տվյալ պահին կուսակցության ներկայացուցիչները ընտրական հանձնաժողովների անդամների հետ միասին բացում են ընտրական արկղերը, այդ գործողությունը կկատարվի շուրջ 100 տեղամասերում, հաղորդում է «Ռեգնում» գործակալությունը:

Հիշեցնենք, որ փետրվարի 19-ի նախագահական ընտրություններում հաղթել է Հայաստանի Հանրապետական կուսակցության առաջնորդ, Հայաստանի վարչապետ Սերժ Սարգսյանը ընտրությունների առաջին իսկ փուլում: Նա հավաքել է քվեների 52,86 տոկոսը: Ընտրողների մասնակցությունը կազմել է գրեթե 70 տոկոս: Քվեարկության արդյունքում երկրորդ տեղում է երկրի առաջին նախագահ Լեւոն Տեր-Պետրոսյանը ձայների 21,5 տոկոսով: Նրան հաջորդում են ընդդիմադիր «Օրինաց երկիր» կուսակցության նախագահ, խորհրդարանի նախկին խոսնակ Արթուր Բաղդասարյանը` ձայների 16,66 տոկոսով, ՀՅԴ-ի թեկնածու Վահան Հովհաննիսյանը` ձայների 6,2 տոկոսով: Մյուս 5 թեկնածուները հավաքել են քվեների աննշան քանակություն: Նշենք նաեւ, որ Վահան Հովհանիսյանն արդեն ընդունել է պարտությունը, Արթուր Բաղդասարյանը քվեների վերահաշվարկ է պահանջել, իսկ Լեւոն Տեր-Պետրոսյանը պահանջել է նոր ընտրություններ անցկացնել: Միջազգային դիտորդները ճանաչել են ընտրությունները որպես համապատասխանող Հայաստանի կողմից ստանձնած պարտավորություններին: Հայաստանի նախագահն ընտրվում է 5 տարի ժամկետով: