// IP Marketing video - START// IP Marketing video - END

5 տարում ՀՀ-ում $46 մլն-ի բեռնատար կարտադրվի

5 տարում ՀՀ-ում $46 մլն-ի բեռնատար կարտադրվի

PanARMENIAN.Net - AA Trucks ընկերության նորարարական տեխնոլոգիաներով բազմաֆունկցիոնալ հայկական բեռնատար ավտոմեքենաների արտադրության ծավալներն առաջին հինգ տարիներին $46 մլն կկազմեն:

Տնտեսական զարգացման և ներդրումների նախարարի մամուլի քարտուղար Աննա Օհանյանը PanARMENIAN.Net ին փոխանցեց, որ հայ-ամերիկյան ընկերության արտադրության բեռնատարները կարտահանվեն ԵԱՏՄ երկրներ, ԱՄՆ, Վրաստան, Իրան, Մերձավոր Արևելքի և Միջին Ասիայի այլ երկրներ:

AA Trucks-ի հայաստանյան մասնաճյուղի տնօրեն Արմեն Գագիկյանն էլ հայտնեց, որ մեքենան հայ-ամերիկյան համատեղ արտադրության նոր մակնիշի բեռնատար է լինելու։ Նա նշեց, որ բեռնատարներ կառաջարկվեն տնտեսական տարբեր բնույթի գործունեություն ծավալող ընկերություններին, ինչպես նաև ուժային կառույցներին:

«Բեռնատարի ներքին կահավորումը կհամապատասխանեցվի պատվիրատուի գործունեությանն ու շահագործման նպատակներին»,- ասաց Արմեն Գագիկյանը:

Հոկտեմբերին կառավարության որոշմամբ AA Trucks ընկերությանը «Ալյանս» ազատ տնտեսական գոտու շահագործողի թույլտվություն էր տրամադրվել:

Հայտարարվել էր, որ ծրագրի շրջանակում ներդրումը կկազմի մոտ $40 մլն:Առաջին երկու տարում կստեղծվի 40 նոր աշխատատեղ՝ 150.000 դրամ միջին աշխատավարձով, իսկ հետագայում արտադրանքի ծավալների աճի արդյունքում՝ 1000-ից ավելի նոր աշխատատեղ:

 Ուշագրավ
Ըստ ՀԲ, պատճառն այլոց բարեփոխումների ավելի բարձր տեմպն է
ՀՀ ՏՄՊՊՀ վիճակագրական տվյալների համաձայն՝ նորզելանդական կարագի գինը բարձրացել է 38%-ով՝ 2017-ի օգոստոս-սեպտեմբեր ամիսներին 1 կգ համար կազմելով 3842 դրամ
Ընկերությունն այժմ թեյի 4 տեսակ է արտադրում՝ ուրցի, դաղձի, ուրցի և դաղձի, սրոհունդի, երիցուկի և ուրցի:
ՎԶԵԲ-ի աջակցությամբ իրականացվել և ընթացքի մեջ են նաև կոշտ թափոնների կառավարման, ջրամատակարարման համակարգի բարելավման, Երևանի մետրոպոլիտենի արդիականացման ծրագրերը