Apple-ը iPhone և Macbook կարտադրի վերամշակվող աղբից

21 նոյեմբերի 2017 - 16:47 AMT

PanARMENIAN.Net - Apple ընկերությունը մտադիր է իր հայտնի ապրանքանիշերը՝ iPhone, Macbook և այլ սարքավորումներ, արտադրել վերամշակվող աղբից:

News.com կայքի փոխանցմամբ, ընկերության փոխնախագահ Լիզա Ջեքսոնը հայտարարել է, որ իրենք նպատակադրված են 100%-ով էկոլոգիապես մաքուր հումքից պատրաստված արտադրանք ներկայացնել:

«Իմ տվյալներով, մենք միակ ընկերությունն ենք ոլորտում, որը փորձում է այսպիսի մոտեցում ցուցաբերել: Շատերն են խոսում էլեկտրական սարքավորումների վերամշակման մասին, սակայն ոչ ոք չի ցանկանում երկրորդական հումքից արտադրանք ստանալ»,-ասել է նա:

Ավելի վաղ ընկերությունը հայտարարել էր, որ ժամանակավորապես դադարեցնելու է ձեռքով արդյունահանվող կոբալտի կիրառությունը գադթեջների մարտկոցների պատրաստման համար. բանն այն էր, որ դրանք արդյունահանվում են Կոնգոյի դեմոկրատական հանրապետությունում ծայրահեղ վտնագավոր պայմաններում՝ անչափահաս աշխատուժի կիրառմամբ:

Amnesty International-ի հրապարակած զեկույցի համաձայն՝ կոբալտը լայն կիրառություն ունի արդյունաբերական այնպիսի խոշոր ընկերությունների արտադրանքում, ինչպիսին են Apple-ը, Samsung-ը, Electronics-ը, Dell-ը, Microsoft-ը, BMW-ը, Renault-ը և Tesla-ն: Զեկույցի հեղինակները քննադատում էին ընկերություններին՝ ոչ մարդկային պայմաններում գտնվող աշխատուժի միջոցով արդյունահանվող հումքը իրենց արտադրության մեջ կիրառելու համար:

Հղումներ թեմայով.

Apple exec on making a completely green iPhone and tackling child labour concerns in supply chain