Վրաստանի վարչապետ Գիորգի Կվիրիկաշվիլիի այցը Հայաստան հետաձգվել է անորոշ ժամանակով: Այցը հետաձգվել է վրացական կողմի խնդրանքով:

Գիորգի Կվիրիկաշվիլիին Հայաստան էր ժամանելու դեկտեմբերի 1-ին վարչապետ Կարեն Կարապետյանի հրավերով:

Այցը կկայանա Վրաստանի խորհրդարանի կողմից երկրի կառավարության կազմը հաստատելուց հետո, հայտնում է ԱԳՆ մամուլի ծառայությունը:

Այցի շրջանակում նախատեսված էին Կվիրիկաշվիլիի հանդիպումներ Հայաստանի բարձրագույն ղեկավարության՝ նախագահի, Ազգային ժողովի նախագահի և վարչապետի հետ: Նախատեսված էր նաև նրա այցը Ծիծեռնակաբերդի հուշահամալիր: