// IP Marketing video - START// IP Marketing video - END

Բեթղեհեմում մարել են սուրբծննդյան լույսերը՝ բողոքելով Երուսաղեմի հարցում ԱՄՆ որոշման դեմ

Բեթղեհեմում մարել են սուրբծննդյան լույսերը՝ բողոքելով Երուսաղեմի հարցում ԱՄՆ որոշման դեմ

PanARMENIAN.Net - Պաղեստինցիները մարել են Բեթղեհեմի Սբ Ծննդյան տաճարի մոտ կանգնեցված գլխավոր տոնածառի լույսերը: Ըստ Աստվածաշնչի, հենց այդ վայրում է ծնվել Հիսուս Քրիստոսը:

Մարել են նաև Ռամալլահի տոնածառի լույսերը՝ դա Պաղեստինի նախկին առաջնորդ Յասիր Արաֆատի գերեզմանի հարևանությամբ է, գրում է ՌԻԱ Նովոստին The Jerusalem Post-ի վրա հղումով:

Ինչպես պարզաբանել է տեղի իշխանությունների ներկայացուցիչ Ֆադի Գաթասը, դա արվել է որպես բողոքի նշան ԱՄՆ նախագահ Դոնալդ Թրամփի որոշման դեմ, որով Երուսաղեմը ճանաչվել է Իսրայելի մայրաքաղաք: Դեռևս հայտնի չէ, թե դեկտեմբերի 24-ին՝ կաթոլիկների Սբ Ծննդյան նախօրեին, արդյոք կրկին կվառվեն լույսերը:

Ավելի վաղ ԱՄՆ նախագահ Դոնալդ Թրամփը հայտնել էր, որ ժամանակն է պաշտոնապես ճանաչել Երուսաղեմն Իսրայելի մայրաքաղաք: Թրամփը նաև փաստաթուղթ է ստորագրել ԱՄՆ դեսպանատունը Թել Ավիվից Երուսաղեմ տեղափոխելու վերաբերյալ: Նախագահի հայտարարությունը պաղեստինցիների բողոքի զանգվածային ցույցերի պատճառ է դարձել:

 Ուշագրավ
2007-ին Իսրայելն ու Ադրբեջանը $1,6 մլրդ-ի զենքի պայմանագիր են կնքել
Սպասվում է, որ դրանք պաշտոնապես կներկայացվեն հունիսի 26-ին
Քննարկումը կայանալու էր հունիսի 12-ին, սակայն Իսրայելի օրենսդիր մարմինը տեղափոխեց քննարկումը