 Facebook-ում լրահոսը կփոխվի. Ընկերների գրառումները կավելանան, նորությունները՝ կպակասեն 12 հունվարի 2018 - 11:38 AMT PanARMENIAN.Net - Facebook սոցցանցի հիմնադիր Մարկ Ցուկերբերգը հայտարարել է, որ շուտով ֆեյսբուքյան լրահոսում ավելի հաճախ կհայտնվեն հարազատների և ընկերների գրառումները, իսկ ԶԼՄ-ների և ընկերությունների գրառումներին տրվող նախապատվությունը կնվազի: Այդ մասին Ցուկերբերգը գրառում է արել իր ֆեյսբուքյան էջում: Նա նշել է, որ այժմ սոցցանցի թիմը կկենտրոնանա ոչ թե կարևոր բովանդակություն օգտատերերին ներկայացնելու, այլ սոցիալական նշանակություն ունեցող շփումներին սատարելու վրա: Նա հավելել է, որ այդ նորամուծությունը ներդնելու համար մի քանի ամիս կպահանջվի: «Ներմուծելով այդ փոփոխությունները՝ ես ակնկալում եմ, որ մարդիկ ավելի քիչ ժամանակ կանցկացնեն Facebook-ում: Սակայն, ես նաև հուսով եմ, որ այդ ժամանակն ավելի արժեքավոր կլինի»,-գրել է սոցցանցի հիմնադիրը: Ցուկերբերգը ենթադրել է, որ եթե այդ քայլն իրեն արդարացնի, ապա երկարաժամկետ հեռանկարում այն դրական կազդի նաև սոցցանցի բիզնեսի վրա: Ավելի վաղ հայտնի դարձավ, որ Facebook սոցցանցն այսուհետ կտեղեկացնի օգտատիրոջ լուսանկարի հրապարակմանմասին, անգամ եթե նրան չեն նշել: Այդ նպատակով ծառայությունը կօգտագործի դեմքերի տարբերակման համակարգը: Օգտատերը, որին Facebook-ը կգտնի լուսանկարում, կկարողանա նշել իրեն, հրաժարվել առաջարկից կամ տեղեկացնել, որ դա ինքը չէ: Հղումներ թեմայով.   Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից   |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
