// IP Marketing video - START// IP Marketing video - END

ՌԴ ՆԳՆ աշխատակիցներին թույլատրել են հանգստանալ Հայաստանում

ՌԴ ՆԳՆ աշխատակիցներին թույլատրել են հանգստանալ Հայաստանում

PanARMENIAN.Net - ՌԴ ներքին գործերի նախարարությունը թույլատրել է իր աշխատակիցներին հանգիստն անցկացնել արտասահմանյան 13 երկրում, այդ թվում՝ Հայաստանում: Այդ մասին հայտնել է Ռուսաստանի տուրօպերատորների ասոցիացիան:

Այցելությունների համար թույլատրված ցանկին հավանություն է տվել ՌԴ ՆԳՆ ղեկավար Վլադիմիր Կոլոկոլցևը: Հայաստանից բացի այցելությունների համար թույլատրված երկրների ցանկում են Բելառուսը, Ղազախստանը, Ադրբեջանը, Վիետնամը, Ղրղզստանը, Չինաստանը, Կուբան, Տաջիկստանը, Թուրքմենստանը, Ուզբեկստանը, ինչպես նաև Աբխազիան և Հարավային Օսիան:

Ռուսաստանի տուրօպերատորների ասոցիացիան իր հրապարակման մեջ նշում է, որ Հայաստանը պահանջված զբոսաշրջային ուղղություն է ՌԴ քաղաքացիների համար: Նշվում է նաև, որ ուղևորությունները դեպի Ղազախստան և Ղրղզստան շատ սահմանափակ են ներկայացված ռուսական շուկայում, իսկ Հարավային Օսիան և Տաջիկստանն ընդհանրապես ներկայացված չեն:

Ասոցիացիան նշում է, որ զարմանալի է Թուրքմենստանի առկայությունը ցուցակում, քանի որ ՌԴ քաղաքացիների համար վիզային ռեժիմ է գործում, որը ստանալը բավականին բարդ է, ուստի ՌԴ-ից Թուրքմենստան կազմակերպված զբոսաշրջային այցեր չեն իրականացվում:

ՆԳՆ աշխատակիցներին հանգստի համար թույլատրված երկրների ցանկը 2015-2016-ի համեմատ կրճատվել է: Ցանկից հանվել են Մարոկկոն, Թունիսը, Թայլանդը, Մյանման, Նիկարագուան, Թուրքիան և Եգիպտոսը:

 Ուշագրավ
Անդրեյչենկոն նշել է նաև, որ 2017-ին ապրանքաշրջանառությունը երկու երկրների միջև կազմել է մոտ $43 մլն՝ 2016-ի համեմատ աճելով ավելի քան 35 տոկոսով
Հայկական կողմը վստահեցնում է, որ շարունակելու է վճռականորեն աշխատել խաղաղության հաստատման ուղղությամբ
Հայաստանը 0.755 ցուցանիշով զբաղեցնում է 83-րդ տեղը՝ կիսելով այն Թաիլանդի հետ
«Նոր բացված Երևանյան անկյունը կարող է Հայաստան այցելելու, հնարավոր է նաև՝ նոր գործարար կապեր ստեղծելու առիթ դառնալ»,- նշել է Բիզնես Արմենիայի Միջազգային համագործակցության կառավարիչը