Մեկ տողով՝ մեկ տեղում․ Հունվարի ամենազավեշտալի ու ծիծաղելի լուրերը

PanARMENIAN.Net - Աշխատանքի ընթացքում մեզ հաճախ հանդիպում են ծիծաղելի, զավեշտալի, ահասարսուռ և աբսուրդային լուրեր, հայտարարություններ կամ պարզապես վերնագրեր, որոնք, սակայն, միշտ չէ, որ տեղ են գտնում մեր լրահոսում։

PanARMENIAN.Net -ը մեկ տողով ներկայացնում է 2018-ի հունվարի ընթացքում խմբագրության աչքից չվրիպած բոլոր նմանատիպ իրադարձությունները։

Վարչապետն առաջին աշխատանքային օրով գնաց արձակուրդ:

Հայ կանայք տղամարդկանցից հաճախ են Pornhub մտնում:

Քաղաքապետարանն ապամոնտաժել է տարազ հագած կովերի պաստառը:

Գալուստ Սահակյանը կարոտում է ԽՍՀՄ-ի տարիների իր աշխատավարձը:

ՀՀ-ն պարտվեց ՄԻԵԴ-ի դատում՝ ընդդեմ Դանիայում ՀՀ դեսպանի:

«Հայ Դատը» վիրավորվեց ամերիկացի հումորիստի՝ Թրամփին ծաղրող կատակից:

Վարչապետն առաջարկում է բենզինի փոխարեն գազով մեքենա քշել:

Մոսկվայից «արտաքսել են» 200 հայ աղավնի:

Եզդիները Գալուստ Սահակյանի ժամանակների ԱԺ-ն քրդամոլ են համարում:

Նախագահը կողմ էր քաղաքականությամբ չզբաղված նախագահ ունենալուն:

Երևանյան հյուրանոցում տղամարդը դանակահարել է եղբոր կնոջը:

«Արսենալի» երկրպագուն պարգևատրվեց «Մխիթարյան» ազգանունը ճիշտ արտասանելու համար:

ՀՀ-ն դարձավ Միջազգային ծովային կազմակերպության անդամ:

Ըստ ԿԲ նախագահի՝ կարագը թանկացավ, քանի որ պարզվեց, որ ձեթից օգտակար է:

Իրանցիները Երևանից Լոնդոն մանղալով ափիոն էին փորձում տանել:

Ծխելու արգելքի դեմ բողոքի երթ կկայանա:

Վարչապետի աշխատավարձը կբարձրացվի 66.140 դրամով:

ՀՀ ապագա նախագահ կդառնա «Տետրիսի» համահիմնադիրը:

Փաշինյանին Հռոմում փորձում էին ձերբակալել՝ 2008-ի հետախուզման պատճառով: