// IP Marketing video - START// IP Marketing video - END

Մոտ $200.000 պետբյուջեից՝ դատական գործերի թվայնացմանը

Մոտ $200.000 պետբյուջեից՝ դատական գործերի թվայնացմանը

PanARMENIAN.Net - Պետական բյուջեից 90,3 մլն դրամ կամ $187.000 կհատկացվի Հայաստանում դատական գործերի փաստաթղթերի թվայնացմանն ու էլեկտրոնային դատարանների համակարգի ներդրմանը: Համապատասխան որոշման նախագիծը ընդգրկված է ՀՀ կառավարության փետրվարի 25-ի նիստի օրակարգում:

Նախատեսվում է գնել 22 հատ համակարգչային սկաներ՝ $5800-ով, 1 հատ համակարգչային սերվեր՝ $10000-ով: $169.200 կհատկացվի համակարգչային ծրագրային փաթեթների մշակման և փաստաթղթերի թվային արխիվացման ծառայություններին:

Նախագծի հիմնավորման մեջ ասվում է, որ 2017 թվականի ապրիլի 7-ին ՀՀ արդարադատության նախարարության և ԱՄՆ միջազգային զարգացման գործակալության միջև կնքվել է «Հայաստանում դատական արխիվային նյութերի թվայնացման» դրամաշնորհային ծրագրի իրականացման մասին համաձայնագիր:

Ծրագիրն իրականացնում է ՀՀ արդարադատության նախարարությունը:

 Ուշագրավ
Հները կշարունակեն մնալ շրջանառության մեջ
Ըստ ընկերության, Կապանի ոսկու հանքը է Polymetal International-ի ամենափոքր հանքն է ամենամեծ ծախսերով
ԱՄՀ-ն նաև 3.5%-ից 4,8%-ի է հասցրել 2019թ. ՀՆԱ աճի կանխատեսումը