// IP Marketing video - START// IP Marketing video - END

Ոստիկանությունը կոչ է անում Փաշինյանին չշրջափակել փողոցները

Ոստիկանությունը կոչ է անում Փաշինյանին չշրջափակել փողոցները

PanARMENIAN.Net - ՀՀ ոստիկանությունը հայտարարություն է տարածել Երևանի կենտրոնում ընթացող ընդդիմության ցույցերի վերաբերյալ։

Հայտարարությունում, մասնավորապես, ասվում է, որ «իրավապահները բազմաթիվ դժգոհություններ են ստացվում մայրաքաղաքի առանձին կազմակերպություններից, այդ թվում՝ ուսումնական և բժշկական հաստատություններից առ այն, որ հավաքի մասնակիցների գործողություններով այսօր առավոտից էապես խոչընդոտվում է իրենց բնականոն գործունեությունը: Շարունակվում է սահմանափակվել հազարավոր քաղաքացիների ազատ տեղաշարժի սահմանադրական իրավունքը: Նման իրավիճակը հանգեցրել է այլ անձանց հիմնական իրավունքների և հանրության շահերի սահմանափակմանը»:

«ՀՀ ոստիկանությունը կոչ է անում հավաքի կազմակերպիչ Նիկոլ Փաշինյանին՝ անվերապահորեն կատարել «Հավաքների ազատության մասին» ՀՀ օրենքով նախատեսված հավաքի կազմակերպչի պարտականությունները, մասնավորապես՝ դադարեցնել փողոցների շրջափակումը և ապահովել հավաքի բնականոն ընթացքը», - ասվում է հայտարարությունում։

Ապրիլի 16-ի առավոտյան ընդդիմությունը մասսայական անհնազանդության ակցիաներ սկսեց մայրաքաղաքում։ Մի շարք փողոցներ փակելուց հետո մի քանի հազար ցուցարար հավաքվել է Ֆրանսիայի հրապարակում։

 Ուշագրավ
Շնորհավորում եմ իմ ընկեր Փաշինյանին և նրա թիմակիցներին, որոնք հրաշալի հաղթանակ տարան բռնակալներով լի այս աշխարհում
70.43%-ով հաղթել է «Իմ քայլը» դաշինքը՝ Նիկոլ Փաշինյանի գլխավորությամբ
Նա ասել է՝ Փաշինյանի կառավարությունը, անցած մի քանի ամիսների ընթացքում մշտապես սրտացավ մոտեցում է ցուցաբերել Արցախին առնչվող բոլոր հարցերին
ԳՄ նիստին մասնակցել է նաև ՀՀ 3-րդ նախագահ Սերժ Սարգսյանը, սակայն, ինչպես հայտնեց նախկին ՊՆ նախարարը, նա չի մասնակցի առաջիկա ընտրություններին