 Ադրբեջան այցելած ծագումով հայ բլոգերը սպառնալիքներ է ստանում (վիդեո)  11 հուլիսի 2018 - 12:47 AMTPanARMENIAN.Net - Բելառուսական անձնագիր ունեցող արմատներով հայ բլոգեր Վլադ Մագան, որին հաջողվել էր Ադրբեջան այցելել, մասնավորապես Գյանջայում որոնել հայերի լքած տները, սկսել է բազմաթիվ սպառնալիքներ ստանալ։ Նա տեսաուղերձ է տարածել և հայտարարել է, որ օգնության կարիք ունի։ «Ես խաղաղությամբ էի այցելել Ադրբեջան, ես ցույց եմ տվել մարդկանց այնպիսին, ինչպիսին կան։ Բայց մեծամասնությունը միայն վատն է տեսել», - ասում է ուղերձում Վլադ Մագան՝ հավելելով, որ չի հասկանում որտեղից այդքան չարություն ճանապարհորդի նկատմամբ, որն ընդամենը իր ծնողների տունն էր փնտրում: «Դա անվտանգության հարց է», - նշել է Վլադ Մագան՝ խնդրելով տարածել իր տեսաուղերձը։
Ավելի վաղ հայտնի դարձավ, որ Վլադ Մագան կարողացել է հասնել Գյանջա և գտնել իր ծնողների տունը, որոնք փախել են այնտեղից, երբ քաղաքում հայերի ջարդեր սկսվեցին, իսկ նրանց տունն ադրբեջանցիներն են զավթել: Այդ մասին իր ֆեյսբուքյան էջում գրել էր հայտնի ռուսաստանցի բլոգեր Ալեքսանդր Լապշինը, որը 7 ամիս անցկացրել է Ադրբեջանի Բաքվում և որին հետո արտահանձնել են Իսրայելին: «Բելառուսական անձնագրով հայը կարողացել է ժամանել Ադրբեջան և հասնել Գյանջայում իր ծնողների տուն: Ադրբեջանն, ինչպես հայտնի է, թույլ չի տալիս ազգությամբ հայերին երկիր մուտք գործել ՝ ռասիստական նկատառումներով: Ինչ վերաբերում է նրա ծնողներին և Գյանջային, հայերն այնտեղից փախել են ղարաբաղյան պատերազմի ժամանակ, և նրանց տները գրավել են ադրբեջանցիները: Չարանենգ Նավթաստանի աչալուրջ անվտանգության աշխատակիցները չեն պարզել նրա հայ լինելը, և նրան հաջողվել է հիանալի ռեպորտաժ նկարահանել երկրի մասին և վերադառնալ տուն: Նրա կարճ ֆիլմը ցույց է տալիս հասարակ ադրբեջանցիների «աղքատությունն ու չարությունը, սարսափելի հայատյացությունն ու ամենուր տիրող լրտեսամոլությունը»,- գրել է Լապշինը: Ադրբեջանից հետո Մագան մեկնել է Հայաստան, այնտեղից՝ Արցախ: Լապշինը գրել էր նաև, որ տղան բավականին մեծ ռիսկի է դիմում: «Քայլել Գյանջայով և տեղացիներին հարցնել հայերի թողած տների մասին՝ այնքան էլ խելամիտ չէ: Նրան բառիս բուն իմաստով կարող էին սպանել, նույնիսկ պետանվտանգության աշխատակիցներին կանչելուց առաջ: Եվ անշուշտ՝ մեր պատվավոր ցանկում, այսինքն՝ Ադրբեջանի «սև ցուցակում» համալրման ենք սպասում»,- գրել էր Լապշինը: Հղումներ թեմայով.   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
