// IP Marketing video - START// IP Marketing video - END

ԵԱՀԿ ՄԽ. ՀՀ և Ադրբեջանի ԱԳ նախարարները համաձայնել են մոտ ապագայում կրկին հանդիպել

ԵԱՀԿ ՄԽ. ՀՀ և Ադրբեջանի ԱԳ նախարարները համաձայնել են մոտ ապագայում կրկին հանդիպել

PanARMENIAN.Net - ԵԱՀԿ Մինսկի խմբի համանախագահները հաղորդագրություն են տարածել հուլիսի 11-ին Բրյուսելում Հայաստանի և Ադրբեջանի արտաքին գործերի նախարաների հանդիպման վերաբերյալ՝ կարևորելով լարվածության թուլացման և հրահրող հռետորաբանությունից խուսափելու անհրաժեշտությունը:

Նշվում է, որ նախարարները համաձայնվել են մոտ ապագայում կրկին հանդիպել համանախագահների հովանու ներքո:

«Նախարարները մտքեր են փոխանակել տիրող իրադրության, հետագա քայլերի շուրջ: Կողմերը քննարկել են որոշ հարցեր առաջիկա հանդիպումների, այդ թվում՝ հնարավոր վստահության կառուցման միջոցների վերաբերյալ: Համանախագահները նշել են լարվածության թուլացման և հրահրող հռետորաբանությունից խուսափելու անհրաժեշտությունը», - նշվում է հաղորդագրության մեջ:

Ավելի վաղ՝ հուլիսի 11-ին, Բրյուսելում ԵԱՀԿ Մինսկի խմբի համանախագահներ Իգոր Պոպովը (ՌԴ), Ստեֆան Վիսկոնտին (Ֆրանսիա), Էնդրյու Շոֆերը (ԱՄՆ) հանդիպել են ՀՀ արտաքին գործերի նախարար Զոհրաբ Մնացականյանի և Ադրբեջանի արտաքին գործերի նախարար Էլմար Մամեդյարովի հետ: Հանդիպմանը ներկա էր նաև ԵԱՀԿ նախագահի անձնական ներկայացուցիչ Անդրեյ Կասպերշիկը: Ադրբեջանում և Հայաստանում անցկացված ընտրություններից հետո սա այս ձևաչափով առաջին բարձր մակարդակի հանդիպումն էր:

 Ուշագրավ
ԳՄ նիստին մասնակցել է նաև ՀՀ 3-րդ նախագահ Սերժ Սարգսյանը, սակայն, ինչպես հայտնեց նախկին ՊՆ նախարարը, նա չի մասնակցի առաջիկա ընտրություններին
Ըստ նրա ծրագրի՝ խորհրդարանը չի ընտրի վարչապետ, որից հետո կլուծարվի
Համալիրում մեկնարկել է գագաթնաժողովի պատվիրակությունների դիմավորման պաշտոնական արարողությունը
«Իմ քայլը» կուսակցությունների դաշինքը 57 մանդատ է ստացել