Պետությունը 4 տարում 9 մարզային հիվանդանոց կհիմնանորոգի 6 սեպտեմբերի 2018 - 16:24 AMT PanARMENIAN.Net - 2018-2022 թվականներին Հայաստանի 9 մարզային հիվանդանոց կհիմնանորոգվի, կհագեցվի բժշկական սարքավորումներով և կահույքով: Այս մասին նշված է ՀՀ կառավարության 2018-2022 թվականների գործունեության միջոցառումների ծրագրում: Այսպես՝ 2018 թվականի հոկտեմբերին կավարտվի Արարատի մարզի Արտաշատի և Սևանի բժշկական կենտրոնների կառուցումը, հատկացվել է համապատասխանաբար՝ մոտ 2 մլրդ դրամ և մոտ 1,2 մլրդ դրամ: 2018 թվականի հոկտեմբերին կավարտվի նաև Վայոց Ձորի և Գեղարքունիքի մարզերի նոր բժշկական կենտրոնների կառուցման նախագծանախահաշվային փաստաթղթերի մշակման գործընթացը. հատկացվել է 35 մլն դրամ: Սյունիքի մարզի Սիսիանի և Կոտայքի մարզի Նաիրիի բժշկական կենտրոնների վերակառուցումը ավարտին կհասցվի 2020 թվականի դեկտեմբերին. հատկացվելու է համապատասխանաբար՝ մոտ 1 մլրդ դրամ և 1,1 մլրդ դրամ: 2021 թվականի դեկտեմբերի 1-ին կավարտվի Կոտայքի մարզի Չարենցավանի բժշկական կենտրոնի հիմնանորոգման գործընթացը. հատկացվելու է 500 մլն դրամ: 2022 թվականի դեկտեմբերին կավարտվեն Արագածոտնի մարզի Թալինի և Արարատի մարզի Մասիսի բժշկական կենտրոնի կառուցման աշխատանքները. նախատեսվում է հատկացնել համապատասխանաբար՝ ավելի քան 1,1 մլրդ դրամ և 2,8 մլրդ դրամ: Ակնկալվում է, որ մարզային հիվանդանոցների վերանորոգումից և բժշկական սարքավորումներով վերազինումից 5 տարի անց մարզերում, բնակավայրին մոտ, բժշկական օգնություն և սպասարկում ստացող բնակչության տեսակարար կշիռը կավելանա 20%-ով, բուժման նպատակով մայրաքաղաք մեկնողների թիվը կնվազի 5%-ով:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
