// IP Marketing video - START// IP Marketing video - END

Փաշինյան. Բիզնեսով զբաղվողները չպետք է քաղաքականությամբ զբաղվեն և հակառակը

Փաշինյան. Բիզնեսով զբաղվողները չպետք է քաղաքականությամբ զբաղվեն և հակառակը

PanARMENIAN.Net - ՀՀ կառավարությունում այլևս գործարարներչեն լինելու։Այդ մասին հայտարարել է ՀՀ վարչապետ Նիկոլ Փաշինյանը Փարիզում «Ֆրանսիայի ձեռնարկությունների շարժում» (MEDEF) կազմակերպության անդամների հետ հանդիպմանը, հայտնում է Aysor.am-ը:

«Որովհետև ՀՀ-ում, ովքեր զբաղվում են բիզնեսով, չպետք է քաղաքականությամբ զբաղվեն, իսկ նրանք, ովքեր զբաղվում են քաղաքականությամբ, բիզնեսով չպիտի զբաղվեն: Հայաստանի իշխանությունն ի վիճակի է կարճ ժամանակաշրջանում այս պայմաններն ապահովել, որովհետև ունի հայ ժողովրդի լիարժեք աջակցությունն ու վստահությունը: Մենք այս վստահությունը որևէ գումարի կամ նյութական արժեքի հետ չենք փոխի, որովհետև ընդհանրապես աշխարհում չկա այնքան փող և ոսկի, որ համարժեք լինի այն արեժքին, որն ստեղծվել է մեր հեղափոխության արդյունքում», - նշել է Փաշինյանը:

Վարչապետ Նիկոլ Փաշինյանի գլխավորած կառավարական պատվիրակությունն աշխատանքային այցով Ֆրանսիայում է: Վարչապետն օդանավակայանից ուղևորվել է Փարիզի «Երևան» պուրակ, որտեղ ծաղկեպսակ է դրել Կոմիտասի հուշարձանին` հարգանքի տուրք մատուցելով Հայոց ցեղասպանության զոհերի հիշատակին:

Այնուհետև վարչապետ Փաշինյանն ընթրիք է ունեցել Ֆրանսիայի հայ համայնքի ներկայացուցիչների հետ, որոնց թվում են եղել Ֆրանսիայի Ազգային ժողովի հայազգի պատգամավորներ, քաղաքական, հասարակական գործիչներ, գործարարներ, արվեստագետներ:

 Ուշագրավ
Հայկական կողմը վստահեցնում է, որ շարունակելու է վճռականորեն աշխատել խաղաղության հաստատման ուղղությամբ
Հայաստանը 0.755 ցուցանիշով զբաղեցնում է 83-րդ տեղը՝ կիսելով այն Թաիլանդի հետ
«Նոր բացված Երևանյան անկյունը կարող է Հայաստան այցելելու, հնարավոր է նաև՝ նոր գործարար կապեր ստեղծելու առիթ դառնալ»,- նշել է Բիզնես Արմենիայի Միջազգային համագործակցության կառավարիչը
Ըստ թերթի, «Ռոբերտ Քոչարյանն այն սակավաթիվ մարդկանցից է, ում Վլադիմիր Պուտինն իր ընկերն է համարում, որոնց թվում են նաև Բեռլուսկոնին և Շրյոդերը»