// IP Marketing video - START// IP Marketing video - END

Ադրբեջանցիները խախտել են հրադադարը՝ վիրավորելով հայկական դիտակետի շանը

Ադրբեջանցիները խախտել են հրադադարը՝ վիրավորելով հայկական դիտակետի շանը

PanARMENIAN.Net - Ադրբեջանական կողմը խախտել է հրադադարը, մեկ ժամում 40-ից ավելի կրակոցներ արձակել հայկական դիտակետի ուղղությամբ և վիրավորել շանը: Այդ մասին իր ֆեյսբուքյան էջում գրել է Արցախի նախագահի` հատուկ հանձնարարությունների գծով ներկայացուցիչ, Արցախի ԱԱԾ նախկին տնօրեն Արշավիր Ղարամյանը:

Նա նաև հրապարակել է վիրավորված շան լուսանկարները և զինծառայողներին առավել զգոն լինելու կոչ արել:

«Անպատասխան կրակ...Հզորներ կրկնակի զգոն եղեք: Ահա թե ինչպես է Հեյդարի որդին պահում հրադադարի մասին պայմանավորվածությունը…Մեկ ժամում 40-ից ավելի կրակոցներ մեր դիտակետի վրա դիպուկահար զենքերից, և կատաղությունից հողաթմբի վրա բարձրացած շան ուղղությամբ»,-ասվում է գրառման մեջ:

Գրառման մեջ չի նշվում, թե շփման գծի որ հատվածում է տեղի ունեցել միջադեպը:

Ավելի վաղ ՀՀ վարչապետ Նիկոլ Փաշինյանը ֆեյսբուքյան ուղիղ եթերում անդրադառնալով Դուշանբեում Ադրբեջանի նախագահ Իլհամ Ալիևի հետ կարճատև զրույցին ասել էր, որ պայմանավորվել են հանձնարարարել իրենց երկրների պաշտպանության նախարարներին առաջնագծում լարվածության թուլացման ուղղված քայլեր ձեռնարկել։ «Քննարկումը եղել է այն մասին, որ կարողանանք կանխել հրադադարի ռեժիմի խախտման դեպքերը: Կարգավորման համար անհրաժեշտ է կարգավորման մթնոլորտ, իսկ երբ ամենօրյա ռեժիմով կրակոցներ են լինում, կարգավորման մասին խոսելն այդքան էլ տրամաբանական չի լինում: Ես ուրախ եմ, որ այդ պայմանավորվածությունները ձեռք բերվեցին, և ես հույսով եմ, որ դրանք կպահպանվեն: Մենք մեր կողմից ամեն ինչ կանենք, որպեսզի դրանք արդյունավետ լինեն»,-նշել է վարչապետը։

 Ուշագրավ
«Խնդիրը ստեղծել ենք ոչ թե մենք, այլ Փաշինյանը»,- ասել է Բելառուսի նախագահը
ՀՀ ԱԳՆ մամուլի քարտուղար Աննա Նաղդալյանն ասաց՝եղել է ՌԴ պաշտոնական ներկայացուցչի արձագանքը
Այս ընտրությունները նախանշում են Հայաստանի ժողովրդավարական զարգացման շատ կարևոր փուլ, ասել է են ՄԹ-ից