Իսպանիայում խստացնում են հոմեոպատների դեմ միջոցները հիվանդի մահից հետո

PanARMENIAN.Net - Իսպանական կառավարությունը պատերազմ է հայտարարել հոմեոպատիային և ասեղնաբուժությանը: Գիտության և առողջապահության նախարարները ծրագիր են մշակել նման ծառայությունները բժշկական կենտրոններից վերացնելու համար:

Ըստ կրթության նախարար Իսաբել Սելայայի, նպատակն է պաշտպանել երկրի քաղաքացիներին, գրում է Gazeta.ru-ն El País-ի վրա հղումով:

Ծրագիրն ուղղված է այլընտրանքային ծառայությունների «պոտենցիալ վնասակար ազդեցությունից խուսափելուն», ասվում է կառավարության հայտարարության մեջ: Նախարարներին դրան են դրդել մի քանի մահվան դեպքերը, երբ մարդիկ ընտրություն են կատարել այլընտրանքային բժշկության օգտին:

Ըստ կառավարության ծրագրի, Իսպանիայում լայնորեն կտարածվեն գիտական տեղեկություններ բուժման վնասակար մեթոդների մասին: Նախատեսվում է, որ արդյունքում առողջապահության ոլորոտւմ գործունեություն կծավալեն բացառապես դիպլոմ ունեցող մասնագետները: Ինչպես նաև ստուգման կենթարկվեն իսպանական համալսարանները, պարզելու համար ոչ ավանդական բժշկության դիպլոմների տրամադրման դեպքերը:

Ավելի վաղ 21-ամյա Մարիո Ռոդրիգեսը մահացել է լեյկեմիայից՝ հրաժարվելով բժիշկների բուժումից և հավատալով նատուրոպատին, որը խոստացել էր բուժել նրան վիտամիններով: Ռոդրիգեսի հայրը դատի է տվել նրան և շահել գործը՝ դատարանը որոշել է, որ նատուրոպատը պետք է պատասխանատվություն կրի հիվանդին մոլորեցնելու համար: