Դեկտեմբերի 26-ից գենետիկորեն մոդիֆիկացված օրգանիզմներ (ԳՄՕ) պարունակող սննդամթերքը պետք է մակնշվի հատուկ նշանով:
Ըստ ընդունված տեխնիկական պահանջների, մակնշումն արվում է ապրանքի փաթեթավորման վրա, եթե ԳՄՕ պարունակությունը գերազանցում է 0,9%-ը: «ԳՄՕ» նշումը պետք է լինի ԵՏՄ շուկայում շրջանառության միասնական նշանի մոտ և իր ձևով ու չափերով համապատասխանի այդ նշանին:
Անցումային փուլը բիզնեսի հարմարեցման համար կազմում է 1,5 տարի: Այդ ժամանակահատվածում թույլատրվում է ԳՄՕ պարունակության մթերթի արտադրումն ու շրջանառությունը ԵՏՄ տարածքում նախկին պահանջներով, հայտնում է Եվրասիական տնտեսական հանձնաժողովի մամուլի ծառայությունը:
Նմանատիպ սահմանափակումներ են գործում նաև ԵՄ երկրներում, մասնավորապես, Գերմանիայում:
Փոփոխությունները նախաձեռնել է «Ռոսպոտրեբնադզորը»՝ հաշվի առնելով սպառողների ցանկությունները: Փաստաթուղթն անցել է բոլոր անհրաժեշտ ընթացակարգերը, այդ թվում հանրային քննարկումներն ու ներքաղաքական համաձայնեցումը ԵՏՄ անդամ երկրներում: Այն ընդունվել է ԵՏՀ նիստում 2017-ի դեկտեմբերին: