// IP Marketing video - START// IP Marketing video - END

Ռոբերտ Քոչարյանն Ամանորը կդիմավորի կալանավայրում. Նիստը հետաձգվել է

Ռոբերտ Քոչարյանն Ամանորը կդիմավորի կալանավայրում. Նիստը հետաձգվել է

PanARMENIAN.Net - Երևանի ընդհանուր իրավասության դատարանը հետաձգել է Մարտի 1-ի գործով մեղադրյալ ՀՀ երկրորդ նախագահ Ռոբերտ Քոչարյանի խափանման միջոց կալանքը գրավով փոխարինելու միջնորդության քննարկումը:Հայցը կքննվի 2019-ի հունվարի 9-ին։

Ինչպես նիստի ավարտին լրագրողներին հայտնեց Քոչարյանի փաստաբան Արամ Օրբելյանը, քննիչն ասել է՝ աշխատանքային ժամն ավարտվել է, ինքն էլ անձնական բազմաթիվ գործեր ունի ու պետք է գնա։

«Պարզվում է՝ մեր քննչական մարմինները զբաղված են: Քննիչը խնդրեց՝ քանի որ աշխատանքային ժամն ավարտվել է, Քոչարյանը կարող է մնալ կալանքի տակ ևս մի քանի օր: Քննիչն արհեստականորեն ջգվեց որոշակի ժամանակ: Ինքնաբացարկի միջնորդությունն էլ չի քննարկվել: Քննիչն ասում է՝ պետք է գնամ միջնորդության գործերն ուսումնասիրեմ, հնարավոր է՝ հիմք ունեմ»,- ասաց Օրբելյանը:

Օրբելյանի խոսքով՝ քննիչն արհեստականորեն ձգձգել է նիստը՝ նախ դատավորի բացարկ պահանջելով, այնուհետև տարակուսանք հայտնել կալանքի միջնորդությունը չքննելու համար: Փաստաբանը հիշեցրել է, որ իրավաբանական պրակտիկայում սովորական է, երբ կալանքի վերացման բազմաթիվ միջնորդություններ նաև գիշերն են քննվում, բայց սա այդ դեպքը չէր։

 Ուշագրավ
Նշվում է, որ հայկական առաքելությունը բացառապես մարդասիրական բնույթ ունի, առաջնորդվում է միջազգային մարդասիրական իրավունքով
ՀՔԾ-ն չի մեկնաբանել գործարար Խաչատուր Սուքիասյանին հարցաքննելու լուրը
ՀՔԾ-ն այժմ հետաքննում է Պողոսյանի՝ օֆշորային երեք ընկերության հետ կապը