Միջադեպ` Ադրբեջան-Իրան սահմանին. Կա զոհ և վիրավոր

Միջադեպ` Ադրբեջան-Իրան սահմանին. Կա զոհ և վիրավոր

PanARMENIAN.Net - Միջադեպ է տեղի ունեցել Ադրբեջան-Իրան սահմանին: Ըստ ադրբեջանական լրատվամիջոցների, մարտի 10-ի վաղ առավոտյան իրանա-ադրբեջանական սահմանին՝ Ֆիզուլիի շրջանի Բալա Բահմանլի գյուղի մոտ տեղակայված «Հորադիզ» սահմանապահ ջոկատի տարածքում փոխհրաձգություն է տեղի ունեցել:

Սահմանապահները հայտնաբերել են Իրանից մոտեցող զինված մարդկանց, որոնք «չենթարկվելով ադրբեջանցի սահմանպահների պահանջներին ու նախազգուշական կրակոցներին», կրակ են բացել:

Փոխհրաձգության արդյունքում 2 ադրբեջանցի սահմանապահ է վիրավորվել՝ Սահավետ Մամեդովն ու Վիդադի Ջաբրաիլովը: Մամեդովը հոսպիտալի ճանապարհին մահացել է: Զինյալները նահանջել են, հայտնում է Haqqin.az-ը:

 Ուշագրավ
Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել
Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ
Ըստ Յուսուբովի, այդ մարդիկ պետկառույցների աշխատակիցներ են և գործարարներ
---